Cançon De Rotland
La Cançon de Rotland (var.
la Chançon de Rotland) es un poèma epic medieval qu'a una version en occitan e una autra en francés.
Lo Rotland occitan
Existís una version en occitan que son manuscrit es parcialament desaparegut mas que daissa mantun tèxte coma Rotland a Saragossa e Ronçasvals e de testimoniatges dins d'autres documents medievals.
Lo Rotland francés
Existís tanben una version en francés, pro celèbra, de divèrses milièrs de vèrses, escricha a la fin del sègle XI en francés ancian, atribuida a un monge normand, Turold, que son nom apareis dins lo darrièr e enigmatic vèrs: "Ci falt la geste que Turoldus declinet". Ça que la, la significacion de decliner dins aqueste vèrs es pas clara: pòt significar "compausar" o benlèu "transcriure", "copiar". Es la Cançon de gèsta pus anciana d'Euròpa. Lo tèxt de l'apelat Manuscrit d'Oxford escrich en anglonormand (cap a 1170) es constituit de 4002 vèrses decassillabs, distribuits en 291 estròfas de longors diferentas.
Las Cançons de gèsta
Las Cançons de gèsta son de poèmas escriches per èsser recitats en public, amb una o mai d'una melodia simpla. Lo mot latin gesta significa "fachs soslinhats". Son, doncas, de fachs memorables, eroïcs. França e Espanha an una importanta tradicion epica medievala. Coma totas las Cançons de gèsta, la Cançon de Rotland es anonima.
Nòtas
This article uses material from the Wikipedia Occitan article Cançon de Rotland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.