La Bibliotèca Nacionala de la Dièta (en japonés: 国立国会図書館, Kokuritsu Kokkai Toshokan) es la bibliotèca nacionala de Japon.
Foguèt fondada en 1948 per assistir los membres de la Dièta Nacionala de Japon (国会, Kokkai) dins la recèrca sus las questions de politica publica. La bibliotèca a un objectiu e una portada similars als de la Bibliotèca del Congrès dels Estats Units.
Sa creacion foguèt sostenguda per las autoritats estatsunidencas pendent l'ocupacion. La basa de sa creacion es l'article 130 de la Lei sus la Dièta e l'article 1 de la Lei sus la Bibliotèca Nacionala de la Dièta. Es lo resultat de la fusion de la bibliotèca imperiala (creada en 1972) e dei bibliotècas del Parlament (fondadas en 1890).
Coma bibliotèca nacionala de Japon, la bibliotèca amassa d'exemplars de totas las publicacions publicadas en japonés. Coma lo BDNG servís de bibliotèca de recèrca pels deputats, son personal e lo public, possedís egalament de vastas colleccions de publicacions en lengas estrangièras sus un larg ventalh de subjèctes. Amb 46 855 998 de documents en mars de 2016, fa partida de las bibliotècas mai importantas del mond.
This article uses material from the Wikipedia Occitan article Bibliotèca Nacionala de la Dièta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.