La batalha dei Filipinas se debanèt dins lo corrent de la Segonda Guèrra Mondiala dau 8 de decembre de 1941 au 8 de mai de 1942.
Foguèt la consequéncia d'una ofensiva japonesa (130 000 òmes) còntra l'archipèla defendut per una fòrça estatsunidenca despariera formada de tropas regularas e colonialas (151 000 òmes). Per redurre la superioritat numerica advèrsa, lei Japonés utilizèron una armada principalament compausada de tropas d'elèit que prenguèt rapidament l'avantatge dins la region de Luzon. Pasmens, l'estat-major decidèt de la retirar e de la mandar en Indonesia en genier de 1942. Aquò favorizèt lei defensors que capitèron alora de resistir quatre mes suplementaris avans de capitular.
Aperaquí 25 000 soudats estatsunidencas foguèron tuats durant la batalha e la quasi totalitat dei subrevivents foguèt capturada. De son caire, l'armada japonesa perdiguèt 22 500 soudats (9 000 mòrts, 500 dispareguts e 13 000 bleçats).
This article uses material from the Wikipedia Occitan article Batalha dei Filipinas (1941-1942), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.