1410-1411 : represa de la guèrra entre Polonha-Lituània e l'Òrdre Teutonic amb una desfacha importanta dei Teutonics a la batalha de Grunwald.
L'Òrdre perdiguèt plusors miliers d'òmes e mai d'un oficier important, compres lo Grand Mèstre Ulrich von Jungingen. Polonha-Lituània aprofichèt aqueu succès per venir la poissança principala de la region au tractat de Torun signat l'an seguent.
1413-1414 : en Etiopia, abdicacion dau negus Dawit Ièr au profiech de son fiu Tewodros Ièr (1413-1414) qu'aguèt un rèine brèu car moriguèt tre l'annada seguenta. Yeshaq Ièr venguèt finalament negus e deguèt faciar una ataca generala deis estats musulmans d'Africa Orientala.
1415 : batalha d'Azincourt entre Francés e Anglés. La cavalariá pesuca francesa i foguèt tornarmai anientada, çò que permetèt ais Anglés e ai Borgonhés d'estendre son influéncia en França.
1415 : en Africa Orientala, conquista dau pòrt de Zeila per leis Etiopians (→ 1424).
1417 : en Mesoamerica, mòrt dau tlatoani Huitzilihuitl. Durant son rèine, capitèt de desvolopar Tenochtitlan e de demenir lei tributs pagats au rèi d'Azcapotzalco. Son fiu Chimalpopoca li succediguèt
1418 : mòrt dau matematician egipcian Ahmad al-Qalqashandi, autor de l'enciclopèdia Subh al-a 'sha que conteniá un trabalh sus la criptografia considerat coma important per sei contemporanèus. Dins aquò, aquela òbra es perduda e desconeguda a l'ora d'ara.
This article uses material from the Wikipedia Occitan article Ans 1410, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.