Maropene Ramokgopa (o belegwe ka 1979 goba 1980) ke radipolotiki wa Afrika Borwa yo e lego Motlatšamongwaledipharephare wa Bobedi wa African National Congress (ANC) le moeletši yo a kgethegilego wa Mopresidente Cyril Ramaphosa .
Gape ke molomaganyi wa sehlopha sa mošomo sa nakwana seo se thwetšwego ka Mosegamanye 2022 go eta pele ANC Women's League .
Maropene Ramokgopa | |
---|---|
Motlatšamongwaledipharephare wa Bobedi | |
Yo a lego gona | |
O thomile ofising 19 Dibatsela 2022 Serving with Nomvula Mokonyane | |
Secretary-General | Fikile Mbalula |
A eteletšwego pele ke | Maemo a hlomilwe |
Ditshidimošo tša gagwe | |
O belegwe | 1979 goba 1980 Limpopo, Afrika Borwa |
Mokgatlo wa dipolotiki | African National Congress |
Ramokgopa o belegetšwe profenseng ya Limpopo ka 1979 goba 1980. Molwela-tokologo wa peleng wa baithuti, o thwetšwe go ba ramotsephethiši wa mmasepala wa selete sa Kapa Leboa ka 2006; o be a e-na le nywaga e 26 feela ka nako yeo. O kgethilwe go Komitiphethiši ya Bosetšhaba ya African National Congress (ANC) Women's League (ANCWL) ka 2008 gomme, ka fase ga Mopresidente wa ANCWL Angie Motshekga , o be a swere maemo a bolaodi ka liking gomme a bitša Tafola ya yona ya Basadi ba Bafsa. Gape o be a le ka Komiting ya Khuduthamaga ya Bosetšhaba ya Liki ya Bafsa ya ANC gomme a kgethwa sehlopheng sa mošomo sa nakwana seo se ilego sa etelela pele Youth League ka morago ga gore sehlopha sa yona sa boetapele se phatlalatšwe ke ANC ye e tlwaelegilego ka 2013.
Ka morago Ramokgopa o šomile ka boto ya Setheo sa Bosetšhaba sa Tlhabollo ya Bafsa. Ka 2016, Mopresidente Jacob Zuma o mo thwetše bjalo ka Moemedipharephare wa Afrika Borwa go ya Mumbai, India. Ge a boela Afrika Borwa, Mopresidente Cyril Ramaphosa o ile a mo thwala moeletši wa gagwe yo a kgethegilego ka ga dikamano tša boditšhabatšhaba ka Kantorong ya Mopresidente, mathomong bjalo ka moeletši wa gagwe yo mogolo ka Kopanong ya Afrika. Ka Diphalane 2021, e be e le yo mongwe wa baromiwa ba bahlano ba kgethegilego bao ba kgethilwego ke Ramaphosa go boledišana le Kgoši Mswati nakong yaboipelaetšo bja go thekga temokrasi kua Eswatini ya kgaufsi .
O kgethilwe go ba Komitiphethiši ya Profense ya lekala la Limpopo la ANC ka 2022. Mafelelong a Mosegamanye 2022, Komitiphethiši ya Bosetšhaba ya ANC e ile ya thwala molomaganyi wa gagwe wa sehlopha sa mošomo sa nakwana sa ANCWL; maemong a yena, gotee le mokgoboketši wa sehlopha sa mošomo Baleka Mbete , o tla eta pele liki go fihlela e kgetha sehlopha se sefsa sa boetapele.
Pele ga Khonferentshe ya Bosetšhaba ya bo 55 ya ANC , Ramokgopa o be a lebelelwa bjalo ka mothekgi wa lesolo la Ramaphosa la go kgethwa gape bjalo ka Mopresidente wa ANC le bjalo ka leloko la bohlokwa la seo se bitšwago "khokhase ya basadi" ka gare ga kampa yeo e thekgago Ramaphosa. Ka Lewedi 2022, Komitiphethiši ya Profense ya go thekga Ramamaphosa ya ANC ya Kapa Leboa e thekgile Ramokgopa bjalo ka nkgetheng wa Motlatšamongwaledipharephare wa mokgatlo. Mathomong ga se a akaretšwa lenaneong la bonkgetheng eupša ge khonferentshe e thomile ka Dibatsela 2022, mokgatlo o ile wa tšea sephetho sa go hloma maemo a maswa a Motlatšamongwaledipharephare wa Bobedi; Ramokgopa o ile a kgethwa go tšwa lebatong la khonferentshe go tlatša poso yeo.
Ka la 19 Dibatsela, o fentše dikgetho tša Motlatšamongwaledipharephare wa Bobedi, a hwetša dikgetho tše 2,373 kgahlanong le tše 1,948 tšeo di amogetšwego ke Ronalda Nalumango. She serves alongside First Deputy Secretary-General Nomvula Mokonyane and under Secretary-General Fikile Mbalula. O šoma gotee le Motlatšamongwaledipharephare wa Pele Nomvula Mokonyane le ka fase ga Mongodipharephare Fikile Mbalula .
This article uses material from the Wikipedia Sepedi article Maropene Ramokgopa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sepedi (DUHOCTRUNGQUOC.VN) is an independent company and has no affiliation with Wiki Foundation.