Ch't' articl'ye est liée doubl'ye : vaie Chorchi (frouque).
Ch't' articl'ye fut c'menchie en Jèrriais |
Un chorchi est, s'lon la crianche, eune pèrsonne tch'a du scîn, tch'a l'pouvé dé c'mander la natuthe et d'enchorchéler les gens et les bêtes.
S'lon les tchultuthes, y'a un tas d'difféthentes crianches entouor les chorchièrs et viyant qu'les gens 'taient êpeûthés par la chorchell'lie nou mênommait les chorchièrs dé difféthentes manniéthes. Par exempl'ye, en Jèrri nou mênommait les chorchièrs "les gens du scîn" ou "les gens du Vendrédi" et en Dgèrnésy "les gens du hoc" ou "les gens du venderdi".
Nou soulait distîndgi les nièrs chorchièrs (tchi faîthaient du ma) et les bliancs chorchièrs (tchi faîthaient du bein), mais nou dithait étout qu'les chorchièrs pouôrraient faithe du bein ou du ma si'en cas.
Un houmme du scîn est un chorchi (un enchorchéleux, un tchéthaud) (Guernésiais : aen quéraud, aen sorchier; Serkyee : chorchi).
Eune femme du scîn est eune chorchiéthe (Guernésiais : enne sorchière, enne sorille, enne grise, enne drolesse, enne enferouagnie ou enne carouogne; Serkyee : chorchir).
Les chorchièrs 'taient s'posés d'lus rassemblier eune fais par s'maine les Vendrédis au sé pouor lus sabbat (Guernésiais : hoc, sabat). En Dgèrnésy nou criyait qu'lé sabbat prannait pliaiche au Catioroc, et en Jèrri à Rocque Bèr.
This article uses material from the Wikipedia Nouormand/Normaund article Chorchi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.