ߖߌ߬ߣߍ߬ ߞߊ߲ߕߌ߮ ߟߎ߬ ߛߙߍߘߍ: ߖߌ߬ߣߍ߫ ߞߊ߲ߕߌ߮ ߟߎ߬ ߛߙߍߘߍ ߟߎ߬ ߝߙߍߕߍߦߊߣߍ߲

ߛߋߞߎ߬ ߕߎ߬ߙߋ ߟߋ߬ ߞߍ߫ ߘߊ߫ ߖߌ߬ߣߍ߬ ߞߊ߲ߕߌ߮ ߝߟߐߝߟߐ ߘߌ߫߸ ߡߍ߲ ߞߊ߬ ߖߌ߬ߣߍ߬ ߢߍߡߌ߬ߘߊ߬ ߘߍ߲ߒߖߘߍߟߊ߫ ߞߏߟߌߞߏߟߌ ߢߌߣߌ߲ ߡߊ߬. ߞߴߊߝߙߌߞߌ߬ ߖߡߊ߬ߣߊ߬ ߛߌߦߊߡߊ߲߫ ߠߎ߫ ߘߍ߬ߡߍ߲߬ ߊ߬ߟߎ߬ ߟߊ߫ ߘߍ߲ߖߘߍߟߦߊ ߢߌߣߌ߲ ߡߊ߬: ߦߏ߫ ߖߌ߬ߣߍ߫ ߓߌ߬ߛߊ߬ߥߏ߬߸ ߊ߲ߜ߭ߏߟߊ߫߸ ߊ߬ ߣߌ߫ ߥߙߏ߬ߘߎ߰ ߊߝߙߌߞߌ߬. ߞߊ߬ ߝߘߊ߬ߝߌ߲߬ߠߊ߬ ߢߍߡߌ߬ߘߊ߬ ߊߝߙߌߞߌ߬ ߞߋ߬ߟߋ߲߬ߧߊ ߛߌ߲߬ߝߏ߲߬ߧߊ߬ߟߌ ߛߌ߲ߘߟߌ ߘߐ߫. ߡߎߛߊ߫ ߘߊ߬ߘߌߛ ߞߡߊ߬ߙߊ߬ ߟߋ߬ ߞߋߟߋ߲߫ ߦߋ߫ ߞߊ߲ߕߌ߯ ߘߌ߫߸ ߡߍ߲ ߓߏ߲߫ ߘߊ߫ ߡߏ߬ߙߌ߬ߝߊ ߟߴߊ߬ ߝߊ߰ ߞߊ߲ ߡߊ߬, ߊ߬ ߞߏ߬ߣߌ߲߬ ߓߐ߫ ߘߴߊ߬ ߘߐ߫. ߊ߬ߟߋ ߟߋ߬ ߦߋ߫ ߞߊ߲ߕߌ߯ ߘߌ߫߸ ߡߍ߲ ߠߊߥߟߌ߬ ߘߊ߫ ߝߊ߲߬ߞߊ ߟߊ߫, ߊ߬ ߣߴߊ߬ ߝߟߐ߫ ߟߋ߬ ߓߊߟߏߣߍ߲ ߕߏ߫ ߘߊ߫ ߞߵߊ߬ ߣߐ߬ߘߐߓߌ߬ߟߊ߬. ߛߋߞߎߓߊ ߞߏ߬ߣߊ߬ߕߋ ߞߋߟߋ߲߫ ߠߋ߬ ߦߋ߫ ߞߊ߲ߕߌ߯ ߘߌ߫ ߡߎߣߎ߲߬߸ ߡߍ߲ ߞߵߊ߬ ߕߴߊ߬ ߟߊ߫ ߡߊ߲߬ߛߊ߬ߦߊ ߝߍ ߘߐ߫ ߞߵߊ߬ ߟߊߕߊ߬ߡߌ߲߬ ߡߐ߰ ߜߘߍ߫ ߡߊ߬߸ ߊ߬ ߣߴߊ߬ߟߋ ߟߋ߬ ߝߟߐ߫ ߞߵߏ߬ ߞߍ߫. ߊߟߌߝߊ߫ ߞߐ߲ߘߍ߫ ߟߋ߬ ߞߍ߫ ߘߊ߫ ߖߌ߬ߣߍ߬ ߓߍ߯ߦߊ ߞߊ߲ߕߌ߯ ߝߟߐߝߟߐ ߘߌ߫߸ ߊ߬ ߞߵߊ߬ ߦߌ߬ߘߵߊ߬ ߟߊߛߌ߰ ߟߏ߲ ߓߋߟߋ߲ߠߊ ߘߐ߫߸ ߞߴߊ߬ ߦߴߊ߬ ߟߊߛߋ߫ ߟߊ߫ ߘߎߢߊ߫ ߡߊ߬ ߞߏ߫ ߖߌ߬ߣߍ߬ ߓߘߊ߫ ߛߋ߬ߦߌ߲߬ ߊ߬ ߟߊ߫ ߘߊߞߎ߲߫ ߞߘߐ ߘߐ߫.ߊ߬ ߞߵߊ߬ ߦߌ߬ߘߵߊ߬ ߡߌ߬ߙߌ߲߬ߘߌ ߟߊ߫߸ ߞߏ߫ ߒ߬ ߧߋ߫ ߜߊ߲ߞߎ߲ߣߊ߫ ߢߐ߲߮ ߡߊ߬߸ ߞߊ߬ߕߎ߲߰ ߛߊ߲߬ߘߊ ߞߊ߲ ߠߋ߬ ߞߏ߫: ߜߊ߲ߞߎ߲߬ߠߊ ߛߏ ߟߋ߬ ߦߋ߫ ߟߐ߬ ߟߊ߫߸ ߝߛߍ߬ߝߛߍ߬ߟߌ ߛߏ ߕߍ߫ ߟߐ߬ ߟߊ߫.