ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ ߛߌ߬ߟߡߊ߬ߦߊ ߘߐ߫

ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ ߛߌ߬ߟߡߊ߬ߦߊ ߘߐ߫

ߦߌߟߡߊߓߏߟߏ߲	Islamic governance, education

.

ߟߊ߬ߟߐ߲߬ߣߌ߲߬ߦߊ߬ߟߌ ߦߋ߫ ߞߟߊ߬ߟߐ߲ߠߌ߲ ߠߎ߬ ߣߌ߫ ߡߙߌߦߊ ߟߎ߬ ߡߊߘߏ߲߬ߠߌ߲ ߠߋ߬ ߘߌ߫ ߞߵߊ߬ ߟߊߛߋ߫ ߡߐ߱ ߟߎ߬ ߡߊ߬ ߢߊ߫ ߘߏ߲߬ߖߟߎ߬ߡߊ߬ߣߍ߲ ߠߊ߫، ߡߍ߲߫ ߟߊ߲ߞߣߍߡߊߣߍ߲، ߊ߬ ߟߊ߬ߢߌߣߌ߲ ߠߎ߬ ߘߊ߲߬ߠߊߕߍ߰ߣߍ߲߫. ߒ߬ߓߊ߬ ߸ ߟߊ߬ߞߟߏ߬ߞߟߏ߬ߟߌ ߛߊ߫ ، ߏ߬ ߦߋ߫ ߓߊ߯ߙߊ߫ ߟߎ߬ ߟߋ߬ ߘߌ߬ ߡߍ߲߫ ߦߋ߫ ߟߊߢߌߣߌ߲ߠߊ߫ ߟߊ߬ߟߐ߲߬ߠߌ߲߬ߕߊ ߘߍ߬ߡߍ߲߫ ߡߊ߬ ߛߐ߬ߘߐ߲߬ ߣߌ߲߫ ߠߊ߫ ߖߏ߯ ߕߊ߯ߛߌߟߊ ߛߎ߯ߦߊ ߟߎ߬ ߟߊ߫،߭ ߡߍ߲߫ ߕߊ߬ߟߌ ߦߋ߫ ߘߌߦߊߜߏߦߟߴߊ߬ ߞߊ߲߬ ߢߣߍߡߦߊ߫ ߘߊߞߎ߲߫ ߓߐߣߍ߲ߢߐ߲߰ߡߊ ߟߎ߬ ߘߐ߫، ߊ߬ ߦߋ߫ ߓߟߏߓߌߟߊߢߐ߲ߞߊ߲ ߞߍ߫ ߟߊ߫ ߡߐ߱ ߟߎ߬ ߟߊߞߐ߮ ߘߐ߫، ߊ߬ ߣߴߊ߬ߟߎ߬ ߟߊ߫ ߞߌ߬ߦߊ߬ߦߊ߬ ߟߐ߲ߠߌ߲ߠߊ ߟߎ߬ ߣߌ߫ ߓߊ߯ߙߊ ߟߎ߬ ߟߊߥߙߎߞߌ߫ ߘߐ߫، ߕߎ߬ߡߊ߬ ߘߏ߫ ߟߎ߫ ߟߊ߫ ߞߙߎ ߦߴߊ߬ ߓߟߏߡߟߊ߫ ߟߴߊ߬ߟߋ ߟߋ߬ ߡߊ߬ ߝߊ߯ߘߐߞߍ߫ ߞߎߘߊ ߟߎ߬ ߟߊߡߐ߱ ߞߊ߲ߡߊ߬. ߒ߬ߓߊ߬ ߸ ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ ߝߌ߬ߟߊ ߦߋ߫ ߜߘߌ ߟߋ߬ ߘߌ߫ ߡߊ߲߬ߕߏ߲ ߠߎ߬ ߟߊߢߊ߭ ߘߐ߫، ߊ߬ ߣߌ߫ ߛߏߡߐ߯ߦߊ ߟߎ߬ ߥߙߎߞߌ߫ ߘߐ߫، ߊ߬ ߣߌ߫ ߞߋ߬ߟߋ߲߬ߞߋߟߋ߲ ߠߎ߬ ߞߘߐߕߊ߭ ߘߐ߫. ߟߊ߬ߞߟߏ߬ߞߟߏ߬ߟߌ ߕߍ߫ ߕߊ߯ ߟߊ߫ ߟߊ߬ߟߐ߲߬ߠߌ߲߬ߦߊ߬ߟߌ ߞߐ߫ ߸ ߏ߬ ߞߕߐߡߊ ߦߋ߫ ߕߏ߬ߢߊ ߟߋ߬ ߘߌ߫ .

ߞߊ߬ ߘߐ߰ߘߏ߲߬ ߞߍ߫ ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ ߟߊ߫ ߏ߬ ߦߋ߫ ߞߎ߲߭ ߓߟߋ߬ߓߟߋ ߟߋ߬ ߘߌ߫ ߛߌ߬ߟߡߊ߬ߦߊ ߞߵߊ߬ ߘߐ߬ߘߏ߲߬ ߡߍ߲߫ ߠߊ߫ ߞߊ߬ ߥߟߋߟߌ ߞߍ߫ ߊ߬ ߡߊ߬. ߞߎ߬ߙߣߊ߬ ߞߟߊߒߞߋ ߝߣߊ߫ ߞߊ߫ ߜߋ߲ߜߋ߲ߦߊߟߌ ߞߍ߫ ߊ߬ ߢߊ߬ߕߣߐ ߟߊ߫ ߸ ߊ߬ ߘߏ߲߬ ߞߊ߬ ߞߐߙߍߦߊߟߌ ߞߴߊ߬ ߟߊ߫ ߟߝߊߙߌ ߦߙߌߞߊ ߟߋ߬ ߘߐ߫. ߟߝߊߙߌ߫ ߟߏ߯ߟߎ ߝߟߐ ߡߍ߲߫ ߠߊߖߌ߰ ߘߊ߫ ߞߎ߬ߙߊ߬ߣߊ ߘߐ߫ ߏ߬ ߦߋ߫ ߟߐ߬ ߟߊ߫ ߟߐ߲ߣߌ߲ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ ߟߋ߬ ߡߊ߬. ߊ߬ ߣߌ߫ ߦߏ߫ ߊߟߊ߫ ߦߴߊ߬ ߞߊ߬ߟߌ߬ ߟߊ߫ ߛߓߍߟߌ߫ ߞߟߊ ߟߊ߫ ߢߊ߫ ߡߍ߲߫ ߞߊ߬ߟߊ ߝߐ߫ ߘߐ߫ ߸ ߏ߬ ߦߋ߫ ߦߌ߬ߘߊ߬ߟߌ ߞߍ߫ ߟߴߊ߬ ߢߊ߬ߕߣߐ ߟߋ߬ ߟߊ߫ ߛߌ߬ߟߡߊ߬ߦߊ ߘߐ߫: ߊߟߊ߫ ߞߵߊ߬ ߝߐ߫ ߞߏ߫: ﴿ ن وَالْقَلَمِ وَمَا يَسْطُرُونَ ﴾ ﴿ߣߎ߯ߣ ߸ ߥߊߟ ߞ߳ߐߟߊߡߌ ߥߊߡߊ߯ ߦߊߛߑߕ߭ߎߙߎ߯ߣ﴾ " ߊ߰ ߒ ߣߌ߫ ߞߊ߬ߟߊ ߕߍ߫ ߸ ߊ߬ ߣߴߊ߬ߟߎ߬ ߦߋ߫ ߡߍ߲ ߛߓߍ߫ ߟߊ߫ ". ߒ߬ߓߊ߬ ߸ ߛߌ߬ߟߡߊ߬ߦߊ ߦߋ߫ ߟߐ߲ߣߌ߲ ߣߌ߫ ߟߐ߲ߣߌ߲ߦߊߟߌ ߘߌ߯ߣߊ ߟߋ߬ ߘߌ߫، ߛߊ߫ ߞߊ߬ ߛߋ߫ ߞߏߟߐ߲ߓߊߟߌߦߊ ߟߊ߫ ߏ߬ ߡߍ߲߫ ߕߘߍ߬ ߘߓߌ߬ߘߐ߬ߦߊ ߢߍߡߌߘߊߓߊ߮ ߘߌ߫ ߞߊ߬ ߕߊ߯ ߝߌ߬ߟߌ ߟߎ߬ ߣߌ߫ ߞߊ߬ߙߏ߲ ߠߎ߬ ߡߊ߬.

ߞߎ߬ߙߊ߬ߣߊ ߦߴߊ߬ ߖߊ߬ߕߋ߬ ߟߊ߫ ߟߋ߬ ߞߏ߫ ߊߟߊ߫ ߛߊߣߌ߲ ߠߋ߬ ߦߋ߫ ߞߊ߬ߙߊ߲߬ߡߐ߯ ߝߟߐ ߘߌ߫، ߟߊ߬ߝߐ߬ߓߊ߯ ߊ߯ߘߡߊ߫ ߟߋ߬ ߦߋ߫ ߘߋ߬ߞߋ߬ߘߋ߲߫ ߝߟߐ ߘߌ߫، ߊ߬ ߞߵߏ߬ ߡߍ߲߫ ߠߊ߫ ߟߐ߲ߣߌ߲߫ ߕߐ߱ ߟߎ߬ ߟߊ߫: ﴿وعَلَّمَ آدَمَ الأسْمَاءَ كُلَّهَا ߊߟߊ߫ ߣߊ߬ ߊߘߡߊ߫ ߟߊߟߐ߲ߠߌ߲߫ ߠߊ߫ ( ߝߋ߲߫ ) ߕߐ߮ ߟߎ߬ ߓߍ߯ ߟߊ߫ ﴾. ߊ߬ ߘߏ߲߬ ߞߊ߬ ߟߊ߬ߝߐ߬ߓߊ߯ ߦߎ߯ߛߎߝߊ߫ ߟߊߟߐ߲ߣߌ߲߫ ߠߋ߬ ߛߌ߬ߓߏ߬ ߞߘߐߦߌߘߊ ߟߊ߫: ﴿وَعَلَّمتَنِى مِن تَأوِيلِ الأَحَادِيثِ ߊ߬ ߣߴߌ ߞߊ߬ ߒ ߠߊߟߐ߲ߠߌ߲߫ ߛߌ߬ߓߏ ߟߎ߬ ߞߘߐ ߟߊ߫﴾. ߞߊ߬ ߟߊ߬ߝߐ߬ߓߊ߯ ߛߟߏ߬ߡߊ߯ߣߊ߫ ߟߊߟߐ߲ߣߌ߲߫ ߞߣߐ߬ߞߊ߲ ߠߊ߫: ﴿يَا أَيُّهَا النَّاسُ عُلِّمْنَا مَنْطِقَ الطَّيرِߒ߬ ߓߘߊ߫ ߟߊߟߐ߲ߠߌ߲߫ ߞߐ߬ߣߐ ߟߎ߬ ߞߊ߲ ߠߊ߫﴾.ߊ߬ ߞߊ߬ ߟߊ߬ߝߐ߬ߓߊ߯ ߘߊߎߘߊ߫ ߟߊߟߐ߲ߣߌ߲ ߞߟߍ߬ߡߎߙߊ߲ ߠߎ߬ ߟߊߘߊ߲߫ ߢߊ߫ ߟߊ߫:﴿وَعَلَّمْنَاهُ صَنْعَةَ لَبُوسٍ لَّكُمْ ߊ߲ ߞߵߊ߬ ߟߊߟߐ߲ߠߌ߲߫ ߓߌߙߌ߲ߕߊ߲ ߟߊߘߊ߲ߢߊ ߟߴߊߟߎ߫ ߦߋ߫﴾. ߊ߬ ߞߊ߬ ߞ߭ߌߘߙߌ߫ ߟߊߟߐ߲ߣߌ߲߫ ߝߋ߲߫ ߠߎ߫ ߟߊ߫ ߞߊ߬ ߓߐ߫ ߞߏ߫ ߢߡߊߘߏ߰ߣߍ߲ ߠߎ߬ ߘߐ߫: ﴿وَعَلَّمْنَاهُ مِنْ لَّدُنّا عِلْماً ߊ߬ ߣߴߊ߲ ߓߘߴߊ߬ ߟߊߟߐ߲ߠߌ߲߫ ߒ߬ ߠߊ߫ ߟߐ߲ߞߏ ߘߏ߫ ߟߊ߫﴾. ߊ߬ ߞߊ߬ ߡߟߊ߬ߞߊ ߟߎ߬ ߟߊߟߐ߲ߣߌ߲߫ ߟߐ߲ߣߌ߲ߓߊ ߟߊ߫: ﴿سُبْحَانَكَ لَاعِلْمَ لَنَا إِلَّا مَا عَلَّمتَنَا ߊ߬ߟߎ߬ ߞߊ߲߫ ߞߏ߫ ߋ߯ ߡߊ߰ߙߌ߬ ߛߊߣߌ߲߹ ߟߐ߲ߠߌ߲߫ ߕߍ߫ ߒ߬ߠߎ߬ ߟߊ߫ ߝߏ߫ ߌ ߞߵߊ߲ ߠߊߓߌ߬ߟߊ߬ ߡߍ߲ߣߍ߲ ߠߊ߫﴾. ߊ߬ ߞߊ߬ ߡߐ߱ ߟߎ߬ ߟߊߟߐ߲ߣߌ߲߫ ߞߎߡߊ ߣߌ߫ ߟߊ߲ߞߣߍߡߦߊߟߌ ߟߊ߫: ﴿عَلَّمَهُ البَيَانَ ߞߵߊ߬ ߟߊߟߐ߲ߠߌ߲߫ ߡߟߋߞߎߦߊ ߟߊ߫﴾. ߊ߬ ߓߍ߯ ߕߍ߰ߣߍ߲߫ ߞߊ߬ ߓߐ߫ ߊ߬ ߟߊ߫ ߸ ߊ߬ ߞߊ߬ ߟߊ߬ߝߐ߬ߓߊ߯ ߡߊ߬ߡߊߘߌ߫ ߟߊߟߐ߲ߣߌ߲߫ ߟߐߣߌ߲ ߠߎ߬ ߣߌ߫ ߞߏߟߐ߲ ߠߎ߬ ߛߌߦߊߡߊ߲ߓߊ ߟߋ߬ ߟߊ߫، ߊ߬ ߞߵߊ߬ ߝߐ߫ ߞߏ߫: ﴿وَعَلَّمَكَ مَالَم تَكُنْ تَعْلَمُ ߞߵߌ ߟߊߟߐ߲ߠߌ߲߫ ߞߏ߫ ߟߊ߫ ߌ ߕߎ߲߬ ߡߊ߫ ߡߍ߲ ߟߐ߲߫﴾. ߒ߬ߓߊ߬ ߸ ߟߊ߬ߝߐ߬ߓߊ߯ ߟߎ߬ ߟߋ߬ ߡߐ߱ߦߊ ߞߊ߬ߙߊ߲߬ߡߐ߮ ߟߎ߬ ߘߌ߫، ߊߟߊ߫ ߞߊ߬ ߡߍ߲߫ ߠߎ߬ ߞߋߟߦߊ߫ ߡߐ߱ ߟߎ߬ ߞߊ߲ߘߦߊ ߞߊ߲߫ ߡߊ߬ ߸ ߊ߬ ߣߴߊ߬ ߟߊ߫ ߗߋߞߊ߲ ߠߊߛߋ߫ ߡߊ߬ ߖߊ߯ߓߊ ߟߎ߬ ߡߊ߬. ߞߎ߬ߙߣߊ߬ ߞߟߊߒߞߋ ߦߴߊ߬ ߝߐ߫ ߟߊ߫ ߞߏ߫ ߛߌ߬ߟߡߊ߬ߦߊ ߟߊ߬ߝߐ߬ߓߊ߮ ߟߊ߫ ߞߏ߫ ߘߐ߫ ߞߏ߫: ﴿ويُعَلِّمُهُمُ الكِتَابَ وَالحِكمَةَ ߞߵߊ߬ߟߎ߬ ߟߊߟߐ߲ߠߌ߲߫ ߟߍߙߊ ߣߌ߫ ߥߘߋ߬ߥߘߋ߬ߟߌ ߟߊ߫﴾.

ߞߎ߬ߙߣߊ߬ ߞߟߊߒߞߋ ߘߏ߲߬ ߞߊ߬ ߟߐ߲ߣߌ߲ߠߊ߫ ߟߎ߬ ߓߏ߲߬ߢߊ߫ ߟߋ߬ ߓߊߏ߫ ߟߊ߬ߝߐ߬ߓߊ߮ ߟߎ߬ ߗߍߕߊߓߊ߮ ߟߎ߬ ߟߋ߬ ߸ ߊ߬ߟߎ߫ ߟߋ߬ ߟߐ߲ߞߋߟߦߊߣߍ߲߫ ߟߐ߲ߣߌ߲ ߠߊߖߍ߲ߛߍ߲߫ ߡߊ߬ ߞߋ߬ߟߋ߲߬ߞߋ߬ߟߋ߲ ߠߎ߬ ߣߌ߫ ߞߙߎ ߟߎ߬ ߕߍ߱. ߟߝߊߙߌ ߦߙߌߞߊ ߟߋ߬ ߦߋ߲߬ ߡߍ߫ ߖߌ߰ߣߍ߲߫ ߞߊ߬ ߞߊ߬ߙߊ߲ߡߐ߮ ߟߐ߬ߦߌߟߊ߬ ߞߘߐߕߊ߬ߣߍ߲ ߣߴߊ߬ߟߎ߬ ߝߌ߬ߛߊ߬ߡߊ߲ߒߕߋ߬ߦߓߊ ߦߌ߬ߘߊ߬. ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߸ ߊ߬ߟߎ߬ ߟߊ߫ ߞߏ ߘߐ߫ ߞߏ߫:﴿يَرْفَعِ اللَّهُ الَّذِينَ آمَنُوا مِنْكُم وَالَّذِينَ أُوتُوا العِلْمَ دَرَجاتِ ߊߟߊ߫ ߦߋ߫ ߡߐ߰ ߟߎ߫ ߟߋ߫ ߡߐ߬ߟߐ߲ ߠߎ߬ ߡߊߦߟߍ߬ ߟߊ߫ ߡߍ߲ ߠߎ߬ ߞߍߣߍ߲߫ ߟߊߒߠߦߊߓߊ߮ ߘߌ߫ ߊߟߎ߫ ߘߐ߫ ߸ ߊ߬ ߣߌ߫ ߡߍ߲ ߠߎ߬ ߛߐߣߍ߲߫ ߟߐ߲ߠߌ߲ ߠߊ߫﴾.

ߛߌ߬ߟߡߊ߬ߦߊ ߓߘߊ߫ ߟߊ߬ߟߐ߲߬ߣߌ߲߬ߦߊ߬ߟߌߟߊ ߟߎ߬ ߞߛߊߞߊ ߞߘߐߕߊ߫ ߓߊߏ߫߸ ߤ߭ߊߘߌߛߊ߫ ߛߌߦߊߡߊ߲߫ ߝߣߊ߫ ߦߋ߫ ߜߋ߲ߜߋ߲ߦߊߟߌ ߞߍ߫ ߟߴߊ߬ ߡߊ߬. ߊ߬ ߣߊ߬ߘߊ߫ ߞߋߟߊ ߟߊ߫ ߤ߭ߊߘߌߛߊ߫ ߘߐ߫ ߞߏ߫:: «إنَّ اللَّهَ وملائِكتَهُ حَتَّى النَّمْلَةَ فِي جُحْرِها وَحتّى‌ الْحُوتَ فِي الْبَحْرِ يُصَلُّونَ عَلى‌ مُعَلِّمِ النَّاس الْخَيْرَ.ߊߟߊ߫ ߣߴߊ߬ ߟߊ߫ ߡߟߊ߬ߞߊ ߟߎ߬ ߤߊߟߌ߫ ߡߣߍߡߣߍ ߤߊߟߌ߬ ߖߍ߯ߓߊ ߡߍ߲߫ ߠߎ߬ ߦߋ߫ ߞߐ߬ߓߊ ߟߎ߬ ߘߐ߫ ߸ ߏ߬ ߟߎ߬ ߓߍ߯ ߦߋ߫ ߕߌ߲ߞߌ߲ ߠߊ߫ ߡߐ߱ ߟߊ߬ߟߐ߲߬ߣߌ߲߬ߦߊ߬ߟߌߟߊ ߟߊ߫ ߤߙߊ ߟߊ߫ » ߊ߬ ߞߵߊ߬ ߝߐ߫ ߤ߭ߊߘߌߛ߳ߊ߫ ߜߘߍ߫ ߘߐ߫ ߞߏ߫: «ألا أُخْبِرُكُم بأجودِ الأجْوَدِ؟ اللَّه الأجْوَدُ الأجْوَدُ! «ألا أُخْبِرُكُم بأجودِ الأجْوَدِ؟ اللَّه الأجْوَدُ الأجْوَدُ! «ألا أُخْبِرُكُم بأجودِ الأجْوَدِ؟ اللَّه الأجْوَدُ الأجْوَدُ!» "ߦߊ߯ߟߊ߫ ߒ ߕߴߊߟߎ߫ ߖߊ߲߬ߖߏ߲߬ߦߊ߫ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߟߊ߫؟ ߊߟߊ߫ ߟߋ߬ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߘߌ߫! "ߦߊ߯ߟߊ߫ ߒ ߕߴߊߟߎ߫ ߖߊ߲߬ߖߏ߲߬ߦߊ߫ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߟߊ߫؟ ߊߟߊ߫ ߟߋ߬ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߘߌ߫! "ߦߊ߯ߟߊ߫ ߒ ߕߴߊߟߎ߫ ߖߊ߲߬ߖߏ߲߬ߦߊ߫ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߟߊ߫؟ ߊߟߊ߫ ߟߋ߬ ߝߏߣߌ߲ߛߙߋ ߟߎ߬ ߘߐ߫ ߝߏߣߌ߲ߛߙߋ ߘߌ߫!"

• العلم في الإسلام
• الإسلام والإنسانية