ߜߍ ߣߌ߫ ߝߌ߲߭

ߞߵߊ߬ ߝߐ߫ ߞߏ߫ ߝߌ߬ߡߊ߲ ߥߟߊ߫ ߌߟߋ߬ ߝߊ߬ߘߌ߬ߝߌ߲ ، ߏ߬ ߞߘߐ ߕߍ߫ ߘߋ߬ ߞߏ߫ ߡߐ߰ ߡߍ߲ ߣߐ߯ߣߍ߲ ߥߟߊ߫ ߝߋ߲ ߡߍ߲ ߣߐ߯ߣߍ߲ ، ߏ߬ ߞߘߐ ߟߋ߬ ߞߏ߫ ߡߐ߰ ߡߍ߲ ߝߌ߬ߣߌ߲ ߛߎ߲ߞߎ߲ߧߊ ߓߟߏߡߊ ߥߟߊ߫ ߝߋ߲ ߡߍ߲ ߝߌ߬ߣߌ߲ ߛߎ߲ߞߎ߲ ߕߊ ߓߟߏߡߊ߬ ، ߟߊߒߡߊ ߘߐ߫ ߸ ߒ߬ ߘߌ߫ ߛߴߊ߬ ߝߐ ߟߊ߫ ߞߏ߫ : ߡߐ߰ߝߌ߲ ، ߝߊ߯ߣߌ߲ ߝߌ߲ ، ߛߊ߲ߝߌ߲߫ ، ߊ߬ ߣߌ߫... ߒ߬ߞߊ߬ : ߏ߬ ߕߴߊ߬ ߦߌ߬ߘߊ߬ ߟߊ߫ ߘߋ߬ ߞߴߏ߬ ߟߎ߬ ߣߐ߯ߣߍ߲ ߠߋ߬ ߥߟߊ߫ ߞߏ ߖߎ߮ߡߊ߲ ߠߋ߬ ߸ ߝߏ߫ ߒ߬ ߧߴߊ߬ ߟߐ߲߫ ߞߏ߫ ߝߋ߲ ߘߏ߫ ߘߌ߫ ߛߋ߫ ߝߌ߲ ߠߊ߫ ߓߊ߬ߙߴߊ߬ ߛߊߣߌ߲ߡߊ߲ ߸ ߦߏ߫ ߒ߬ ߓߍ߯ ߦߴߏ߬ ߞߊ߬ߟߊߡߊ߬ ߢߊ ߡߍ߲ ߗߐ߫ ، ߞߏ߬ߣߌ߲߬ : ߏ߬ ߕߍ߫ ߣߐ߯ ߦߌ߬ߘߊ߬ ߟߊ߫ ߝߛߍߞߘߎ߫.

 

ߒ߬ߞߊ߬ ߜߍߡߊ߲ ߛߊ : ߒ߬ ߓߘߴߏ߬ ߟߋ ߣߐ߭ ߘߐ߫ ߓߌ߬ߟߊ߬ ߛߊߣߌ߲ߧߊ߫ ߣߌ߫ ߢߌ߬ߡߦߊ߬ ߟߊ߫ ߸ ߞߊ߬ ߛߐ߬ߘߐ߲߬ ߘߏ߲߬ ߏ߬ ߟߎ߬ ߕߍ߫ ߞߋߟߋ߲߫ ߘߌ߫ ߝߋߎ߫ ، ߟߊߒߡߊ ߘߐ߫ ߸ ߒ߬ ߘߌ߫ ߛߴߊ߬ ߝߐ߫ ߟߊ߫ ߞߏ߫ : ߜߟߏ߬ߜߍ ، ߞߐ߲ߛߏ ߜߍ ، ߝߊ߯ߣߌ߲ ߜߍ ، ߥߟߊ߫ ߝߊ߯ߣߌ߲ ߜߍߡߊ߲ ߸ ߒ߬ߞߊ߬ : ߏ߬ ߕߴߊ߬ ߦߌ߬ߘߊ߬ ߟߊ߫ ߘߋ߬ ߞߴߏ߬ ߟߎ߬ ߢߌ߬ߡߊ ߟߋ߬ ߥߟߴߊ߬ߟߎ߬ ߞߵߊ߬ߟߎ߬ ߛߊߣߌߡߊ߲ ߠߋ߬ ߸ ߍ߲ߍ߲߫ ، ߏ߬ ߦߋ߫ ߛߎ߲ߞߎ߲ ߞߍ߫ ߗߏ߯ ߟߋ߬ ߘߌ߫ ߸ ߡߍ߲ ߕߍ߫ ߛߊߣߌ߲ߧߊ߫ ߞߏ ߣߌ߫ ߣߐ߯ߕߐߦߊ ߞߏ߫ ߝߐ߫ ߟߊ߫ ߝߋߎ߫ ، ߞߊ߬ߕߎ߲ ߜߍߡߊ߲ ߘߴߛߋ߫ ߣߐ߯ ߟߊ߫ ߞߵߊ߬ ߕߏ ߊ߬ ߟߊ߫ ߜߍߡߊ߲ߧߊ ߘߐ߫ ، ߦߏ߫ ߝߌ߬ߡߊ߲ ߦߋ߫ ߛߊߣߌ߲ߧߊ߫ ߟߊ߫ ߢߊ ߡߍ߲ ߞߵߊ߬ ߕߏ ߊ߬ ߟߊ߫ ߝߌ߬ߡߊ߲ߧߊ ߘߐ߫. ߞߏ߬ߣߌ߲߬ ߓߌ߬ ߛߊ߫ : ߒ߬ ߓߘߊ߫ ߜߍ ߣߌ߫ ߜߍߡߊ߲ߧߊ ߟߋ߬ ߞߍ߫ ߢߌ߬ߡߦߊ߬ ߣߌ߫ ߛߊߣߌ߲ߧߊ߫ ߘߌ߫ ߸ ߞߊ߬ ߝߌ߲߬ ߣߌ߫ ߝߌ߬ߡߊ߲ߧߊ ߞߍ߫ ߖߎ߯ߡߊ߲ ߣߌ߫ ߣߐ߯ߕߐߦߊ ߘߌ߫ ، ߌ ߦߴߊ߬ ߡߍ߲߫ ߠߊ߫ ߒ߬ߠߎ߬ ߡߊ߲߬ߘߋ߲߫ߞߊ ߟߎ߬ ߟߋ߬ ߖߍ߬ߘߍ ߟߊ߫ ߞߏ߫ : ߌ ߟߊ߫ ߝߊ߯ߣߌ߲ߞߏ ߞߵߊ߬ ߜߍ ߸ ߥߟߊ߫ ߞߵߌ ߞߏ ߞߵߌ ߜߍ ، ߊ߬ ߣߌ߫... ߞߴߊ߬ ߛߐ߬ߘߐ߲߬ ߘߏ߲߬ ߒ߬ ߞߊ߫ ߞߊ߲߫ ߠߋ߬ ߞߵߊ߬ ߝߐ߫ ߞߏ߫ : ߌ ߟߊ߫ ߝߊ߯ߣߌ߲ ߞߏ ߞߵߊ߬ ߛߊߣߌ߲ߧߊ߫ ߸ ߥߟߊ߫ ߌ ߦߴߌ ߞߏ ߞߵߌ ߛߊߣߌ߲ߧߊ߫ ߤߊߡߊ߲ߕߍ߫ ߌ ߟߊ߫ ߞߐ߲ߛߏ ߞߏ ߞߵߊ߬ ߛߊߣߌ߲ߧߊ߫ ، ߊ߬ ߣߌ߫... ߏ߬ ߘߐ߫ ߊ߬ ߟߐ߲߫ ߞߐ߫ ߘߐ߫ ߒ߬ ߓߟߏ߫ ߞߏ ߝߌ߲߭ ߥߟߊ߫ ߝߌ߬ߡߊ߲ߧߊ ߕߍ߫ ߖߎ߮ߡߊ߲ ߣߌ߫ ߣߐ߯ߕߐߦߊ ߘߌ߫ ߸ ߦߏ߫ ߜߍ ߥߟߊ߫ ߜߍߡߊ߲ߧߊ ߕߍ߫ ߛߊߣߌ߲ߧߊ߫ ߣߌ߫ ߢߌ߬ߡߦߊ߬ ߘߌ߫ ߢߊ ߡߍ߲ ߞߊ߬ߣߌ߲߬ ߸ ߊ߲ ߞߊ߫ ߞߊ߲߫ ߠߋ߬ ߏ߬ ߘߐ߫ ߞߴߏ߬ ߓߐ߫ ߒ߬ ߠߊ߫ ߞߎߡߊ ߟߎ߬ ߘߐ߫ ߥߟߊ߫ ߞߵߊ߬ ߘߊ߫ ߓߌ߬ߟߊ߬ ߝߋߝߋ߫ ، ߞߊ߬ ߕߏ߫ ߊ߬ ߝߐ߫ ߟߊ߫ ߡߎ߬ߕߎ߲߬ ߛߊ߫ ߞߏ߫ : ߗߍ߬ ߕߊ߯ ߌ ߞߏ ߞߵߌ߬ ߛߊߣߌ߲ߧߊ߫ ، ߌ ߟߊ߫ ߓߏ߲ ߞߏ ߞߵߊ߬ ߛߊߣߌ߲ߧߊ߫ ، ߌ ߟߊ߫ ߝߊ߯ߣߌ߲ ߞߏ ߞߵߊ߬ ߛߊߣߌ߲ߧߊ߫ ، ߊ߬ ߣߌ߫...