Quadrivium
Li quadrivium did es, in li Medieve, li konjunkte del quar libere artes: aritmetike, musike, geometria e astronomia kel, in konjunktim kun li trivium, did es li base del studio del filosofia e li teologia in li sentres de medieval doso.
Origina del sekte del pitagoristes kel did prisa li edukatione in grandi gradu.
Li quadrivium did proportiona al studiant kel ja did have pasa li fundamental lerno e majori savo e max profundi savo in tu prisenta lum in max alti sienties.
Es spesialim disi fake del savo li kel did resiva max impulso kun li multopli kontaktes del monasteries katalani kun li Islame: on trova klari exemple in li studios matematiki kel Gerbert de Aurillac did have fa kun li episkope Ató de Vic durant sen visito in Katalonie.
Tra del Islame on did konosa li laboros de Maslama super li astrolabie, li establo del astronomial mensus, li uso del arabi sifres e del sero e on did expanse li savos super li algebra in li kristani monde.
Li savos novi did fa fasili e did ameliora li studio del geometria, del aritmetike e del astronomia in li diferanti sentres de doso.
On did konsidera ke li aritmetike did es li studio del nombre in puri stando, ke li geometria did es li studio del spatie in puri stando, ke li musike did es li studio del nombre in movo e ke li astronomia did es li studio del spatie in movo.
Bibliografia
- Template:Ca Sadurní i Puigbò, Núria: Diccionari de l'any 1000 a Catalunya. Edicions 62, Col·lecció El Cangur / Diccionaris, núm. 280. Barzelona, otubre d'o 1999. ISBN 84-297-4607-2, plana 106.
This article uses material from the Wikipedia Novial article Quadrivium, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Novial (DUHOCTRUNGQUOC.VN) is an independent company and has no affiliation with Wiki Foundation.