सिमधंगु ओबेलिस्क
32°53′44″E / 24.076889°N 32.895450°E / 24.076889; 32.895450
सिमधंगु ओबेलिस्क दकले तःधंगु प्राचीन ओबेलिस्क ख। थ्व प्राचीन मिस्रया लोंह क्वारीया उत्तरी क्षेत्रय् अस्वान (अस्सुआन)य् ला। पुरातत्त्वशास्त्री अनुसार हात्शेप्सुत (Hatshepsut) नांया फारों थ्व ओबेलिस्क दयेकेत आदेश ब्युगु ख। थ्व ओबेलिस्क प्राचीन मिस्रया मेमेगु ओबेलिस्क स्वया करिब एक तिहाइ तधं। थ्व ओबेलिस्क सिधःगु जुसा थ्व करिब ४२ मिटर (१३७ फिट) थ्यनि व करिब १२०० टन (1,066,621 किलोग्राम) झ्यातुइ। पुरातत्त्वविद अनुसार थ्व ओबेलिस्क न्हापाया कार्नाक धाःगु थासय् दूगु (आः रोमय् दूगु) लातेरान ओबेलिस्कतयेत पूर्णता बीत दयेकूगु ख। मेमेगु पूरातत्त्वविद अनुसार फारो हात्शेप्सुतं थ्व ओबेलिस्क थःगु शासनया १६गु दँ हनेत दयेकूगु ख।
थ्व ओबेलिस्कया निर्मातातयेसं थुकियात बेदरकं हे प्रत्यक्ष रुपय् चाना हल, तर थुकिया ग्रेनाइट तज्याना वंगुलिं थुकिया ज्या लिपा त्वता छ्वल। थ्व लोहंय् न्हापा हे मस्युगु गलती दूगु विचाः दःसां क्वारीया ज्याय् हे स्ट्रेसया कारणं लोहं तज्यानावःगु नं जुइफु। ओबेलिस्कया क्वय्या भाग बेदरकय् हे स्वानाच्वँगु दु। थ्व सिमधंगु ओबेलिस्कं प्राचीन मिस्रया लोहंज्या प्रविधिया छपा किपा क्यं गनकि ज्यामितयेगु ज्याभःया चिं व मेमेगु ज्या निर्देश यायेत दयेकातःगु रंगया ध्वत आतक्क हे खनेदनि।
थ्व सिमधंगु ओबेलिस्क नापं सन् २००५स छगू आंशिक रुपय् सिधःगु ओबेलिस्क बेस अस्वानया क्वारीइ लूगु दु। नापं छुं लोंह कुंदाइ व मेमेगु अवशेषं हलिंया दकले नांजाःगु ओबेलिस्कत गन दयेकूगु धइगु विषयय् न्हूजः ह्वलाच्वंगु दु। थ्व ओबेलिस्क नापं अस्वानया मेमेगु सिमधंगु ज्यायात चकं ख्यः संग्रहालयया रुपय् विकास याःगु दु व आधिकारिक कथंय् हे मिस्रया सरकारं पुरातत्त्व क्षेत्रया घोषणा याःगु दु।
स्वयादिसँ
लिधंसा
पिनेया स्वापू
This article uses material from the Wikipedia नेपाल भाषा article सिमधंगु ओबेलिस्क, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.