फिङ्गल
फिङ्गल (अंग्रेजी: /ˈfɪŋɡəl/ FING-gələ; आयरिश भासय् Fine Gall, अर्थ 'विदेशी जनजाति') आयरल्यान्दया छगू काउन्ति ख। थ्व काउन्ति लेन्स्तर प्रान्तय् ला। थ्व काउन्ति इस्तर्न एन्द मिदल्यान्द क्षेत्रया भूभाग खः । थ्व काउन्ति सन् १९९४य् प्रशासनिक कारणं दब्लिन काउन्तिया विखण्डन याना दयेकूगु स्वंगू उत्तराधिकारी काउन्तिइ छगू ख। थ्व काउन्तिया नां मध्यकालीन समयय् थन च्वनिपिं स्क्यान्दिनेभियन विदेशीतेगु नामं (आइरिश: gaill) वःगु ख। फिङ्गल काउन्ति काउन्सिल (Fingal County Council) फिङ्गल काउन्तिया स्थानीय निकाय ख। सन् २०२२ काउन्तिया मनूल्या ३,३०,५०६ दु। थ्व मनूल्या नापं थ्व काउन्ति डबलिन राज्यया दकले अप्व मनूल्या दूगु धलखय् निगुगु थासय् व आयरल्यान्दया दकलय् आपा मनूल्या दूगु धलखय् स्वंगु थासय् ला।
| फिङ्गल काउन्ति Fine Gall | |||
|---|---|---|---|
| — काउन्ति — | |||
| |||
| Motto: 'Flúirse Talaimh is Mara अर्थ: "बं व समुद्रया प्रचुरता" | |||
 | |||
| Country | गणतन्त्र आयरल्यान्द | ||
| Province | Leinster | ||
| Region | Eastern and Midland | ||
| पलिस्था | सन् १९९४ | ||
| काउन्ति ताउन | स्वोर्द्स | ||
| Government | |||
| - Local authority | Fingal County Council | ||
| - Dáil constituencies |
| ||
| - EP constituency | Dublin | ||
| Area | |||
| - Total | ४५६ km2 (१७६.१ sq mi) | ||
| Highest elevation | १७६ m (५७७ ft) | ||
| Population (२०२२) | |||
| - Total | ३३०,५०६ | ||
| - Density | ७२४.८/km2 (१,८७७.२/sq mi) | ||
| Time zone | WET (UTC±0) | ||
| - Summer (DST) | IST (UTC+1) | ||
| Eircode | D9, D11, D15, K32, K34, K36, K45, K56, K67 | ||
| Telephone area codes | 01 | ||
| Vehicle index mark code | D | ||
| Website | [http:// Official website] | ||
भूगोल व उपविभाजन
फिङ्गल दब्लिन काउन्तिया सन् १९९४या विभाजन धुंका दयेकूगु स्वंगु काउन्तिइ छगू ख। स्वोर्द्स थ्व काउन्तिया काउन्ति ताउन खः। मेमेगु तःधंगु नगरय् नगरीय केन्द्र ब्लान्चार्डस्टाउन ला। चिधंगु नगरय् बाल्ब्रिगान व मालाहाइड ला। उपनगरीय कथं यक्व छेँ दूगु गाँय् बाल्डोइले (Baldoyle), क्यासलकनोक् (Castleknock) हौथ व सुटन, लुस्क डोनाबेत, पोर्टमार्नोक स्केरीज ला। काउन्तिया उत्तर व पश्चिमी भागय् चिधंगु ग्रामीण बस्ती दु। फिङ्गलया आदर्शवाक्य/नारा आइरिश भासय्: Flúirse Talaimh is Mara ख गुकिया अर्थ "यक्व बं व समुद्र (दूगु थाय)" ख। थ्व नारां ऐतिहासिक रूपय् थ्व क्षेत्रनाप बुंज्या व न्यालायेज्याया क्वातूगु स्वापू क्यनि। काउन्तिया चिंकिपाय् छगू भाइकिङ्ग लङ्गबोट ब्वयातःगु दु, गुकिलिं फिंगलय् नर्सतय्गु आगमनयात क्यनि। फिंगलय् उमिसं स्थानीय आयरिशत नाप ल्वाकछ्यागु खं ब्वइ।फिङ्गलया सीमाय् उत्तरय् मिथ काउन्ति, पश्चिमय् किल्डेर काउन्ति व दक्षिणइ दब्लिन नगर ला। स्त्रबेरी-बेदय्, लिफे खुसिं साउद दबलिन व थ्व काउन्ति बायेगु ज्या याइ।
नगर व गां
फिङ्गल रुप थीथी थाय् कथं यक्व हे पा। दब्लिन महानगर क्षेत्रया घना बस्ती निसें उपनगरीय क्षेत्र, तापाक्क दयाच्वंगु ग्रामीण गां, व चिधंगु मनू मच्वनिगु बुंज्या क्षेत्र तकया भौगोलिक विभिधता थ्व थासय् दु,
अर्थतन्त्र
फिङ्गल आयरल्याण्डया प्राथमिक हर्तिकल्चरल क्षेत्र खः, आयरल्यान्दया५०% राष्ट्रिय तरकारी उत्पाद व कुल ग्लासहाउस बालीया ७५ प्रतिशत थ्व काउन्तिइ सइ। तर, उत्पादनया क्षेत्रय् अन्य नगरी विकासं गम्भीर दबाब ब्युगु दु व ग्रामीण नगरत बिस्तारं महानगरया शयनशाला जुया वंगु दु।हाउथ हार्बर (अंग्रेजी: Howth Harbour) थ्व काउन्तिया पूर्वी तटया छगू विशाल न्या लायेगु क्षेत्र ख। थ्व क्षेत्र आयरल्यान्द देय्या ५गू तःधंगु बन्दरगाह नं खः।
शिक्षा
तेकनोलोजिकल युनिभर्सिटी डबलिन, (पुलां नां: इन्स्टिच्युट अफ टेक्नोलाजी, ब्लान्चार्द्सताउन) फिङ्गलया दकलय् तःधंगु थर्द-लेभल शैक्षिक केन्द्र खः ।
लिधंसा
पिनेया स्वापू
This article uses material from the Wikipedia नेपाल भाषा article फिङ्गल, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.