अमूर खुसि (रूसी: Амур река, रेका अमूर) हलिंया १०गु दकलय् ताःहाकःगु खुसि ख। थ्व खुसि रूसया सूदूर पूर्वी क्षेत्र व पूर्वोत्तर चीनया दथुइ अंतर्राष्ट्रीय सीमा नं ख। रूस व चीनया दथुइ बुंया निंतिं १७गु शताब्दी निसे आरम्भ जुया २०गु शताब्दी तक्क जूगु ल्वापूइ अमूर खुसिया अहम भूमिका दु।
अमूर खुसि पश्चिम मञ्चुरियाया पहाडं शिल्का खुसि व अर्गुन खुसि स्वाना ३०३ मितर जाःगु थासय् बुयावइ। अनं पूर्वपाखे वंसें थ्व खुसि चीन व रूसया सीमाया रूपय् बाहावनि। ४०० किमि तक्क थ्व खुसि चाहिला दक्षिण - पूर्वया दिशाय् बाहावनि, थ्व इलय् थ्व खुसिइ यक्व खुसि-खुसिचा ल्वाकज्याइ। थ्व खुसिया क्षेत्रया यक्व नगर-बस्ती अमूरया सिथय् दयाच्वंगु दु। हानं थ्व दक्षिण पाखे बाहावना रूसया ब्लागोवेचेन्स्क नगर व चीनया हेईहे नगरया दथुं जुइ। थन थ्व खुसिइ ज़ेया खुसि स्वाइ गुकिलिं थ्व खुसिया ब्या व मात्रा सिक्क तःच्वइ।
भतिचा न्ह्यने वंका थ्व खुसिइ बुरेया खुसि नं ल्वाकजाइ व २५० किलोमितर धुंका थ्व खुसिइ सोंगहुआ खुसि स्वाइ। आ थ्व खुसि पूर्वोत्तर पाखे वंसें रूसया ख़ाबारोव्स्क नगर पाखे बाहावनि। थन थ्व खुसिइ उस्सूरी खुसि ल्वाकजाइ, थ्व धुंका थ्व खुसि चीन - रूसया सीमा मजुसें मुक्कं रूसया दुने वइ। थ्व थासय् थ्व खुसिइ थुलि लः दयाच्वनि कि छगू हे धाः जुया बाहावने स्वया थीथी धाःया बाहा जुया तब्याःगु स्वनिगलय् बाहावनि। लगभग २०० किमि धुंका थ्व स्वनिगः संकुचित जुया खुसि उत्तरपाखे वंसें अमगुन खुसिनाप स्वाइ। थ्व धुंका छकलं पूर्वपाखे बेक्वया करिब २० किलोमितर धुंका ओख़ोत्स्क सागर व जापान सागरयात स्वाइगु तातारी जलडमरूस समुद्रय् ल्वाकजाइ।
This article uses material from the Wikipedia नेपाल भाषा article अमूर खुसि, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.