En Warvelwind oder Tornado (vun spaansch tornar ümkehren, wennen, dreihen, Partizip tornado; tornear warveln, drechseln) ook Groottromb, is en Luftwarvel op lütten Ruum in de Eeratmosphäär, de en ümbi senkrechte Dreihass opwiest un in Tosammenhang steiht mit de konvektive Bewülken.
Dat is ok de Ünnerscheed na de Lütttromben (Küselwinnen). In de USA warrt to de Warvelwinnen ok ümgangsspraaklich Twister seggt. De Warvel riekt dörbi jümmers vun den Bodden bet na de Wulkenünnergrenz. Düsse Definitschoon geiht op Alfred Wegener (1917) trüch un is in düsse Foorm vundaag noch allgemen acht.
Dat gifft ok noch annere Namen för en Warvelwind: Dwarlwind, Windhaas und Waterhaas. De leste Beteken is aver en sünnerliche Foorm wenn de Warvelwind över gröttere Waterflääg, so as de See oder grote Binnenseen. De Begreep weer noch in de öllere Literatur (Wegener) klaar defineert, man nu warrt't mehrst bruukt för starke Winnen as Fallwinnen oder as falsche Beteken för Lütttromben. Vele Lüüd sünd nu vun Menen, dat dat en Verscheel twüschen de groten Warvelwinnen in Noordamerika gifft un de lütten Windhasen in Europa. Man egentlich gifft dat keen physikaalschen Verscheel twüschen jem.
This article uses material from the Wikipedia Plattdüütsch article Warvelwind, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.