Marion Bartoli

Oktober">2. Oktober 1984 in Le Puy-en-Velay, Département Haute-Loire) is en ehmalge franzöösch Tennisspelerin. Se wahnt in Genf.

Marion Bartoli wurr mit söss Johr vun hör Vader (en Dokter) an dat Tennisspeel ranführt. Siet dat Johr 2000 weer se Profi.

Se hett all tosommen 8 WTA-Turniere wunnen. Hör best Platzeeren up de Tennis-Weltranglist weer Platz 7 (Januar 2012 bzw. August 2013 in't Eenzel) bzw. Platz 15 (2004) ween. An' 6. Juli 2013 kunn se eerstmals dat Turnier in Wimbledon winnen, as se Sabine Lisicki in twee Satzen besiegen dee. Dat weer hör eenzig Grand-Slam Turniersieg. Se weer de sösste Spelerin, de dat Turnier ahn Satzverlust winnen kunn. Nah dat Turnier hett sück de BBC för sexistische Beleidigungen vun de Siegerin dör den Reporter John Inverdale entschuldigt.

An' 14. August 2013 geev Marion Bartoli, as se bi dat Turnier in Cincinnati in hör tweet Match gegen Simona Halep in dree Satzen utscheeden weer, överraschend hör Karriereenn' bekannt. Bartoli, de to dissen Tietpunkt up Rang söben vun de Weltranglist stunn, hett dat mit hör anslahn Gesundheit begrünnd.

De 1,70 m groot Rechtshänderin speelt Vör- un Rückhand beidhändig, wat in' Profitennis ehrder selten ist. Se hett sück disse Speelwies in jung Johren vun Monica Seles afkeeken.

Vun Bartoli heet dat todem, dat se en besünners hooch Intelligenz-Quotienten vun 175 hemm sall. De weer dormit höhger as de vun Albert Einstein (IQ 165) un vun Stephen Hawking (IQ 160).

  Marion Bartoli. Mehr Biller, Videos oder Audiodateien to’t Thema gifft dat bi Wiki Commons.

• WTA-Profil (engelsch)
• ITF-Profil (engelsch)
• Fed-Cup-Statistik (engelsch)