De Ornen vun de Vampirdintenfische (Vampyromorpha) gifft dat in de Seen hüdigendags bloß noch mit en eenzigste Aart.
Dat is de Vampirdintenfisch. Vörtieds hett dat veel mehr Aarden geven. Vun de sünd nu man bloß noch Fossilien to finnen. Vampirdintenfische weert tosamen mit de Kraken (Octopoda) un de Cirruskraken (Cirrata) to de Grupp vun de Achtarm-Dintenfische (Octopodiformes oder Vampyropoda) rekent. Dor höört se mit to de Dintenfische (Coleoidea) to.
Vampirdintenfische | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
Systematik | ||||||||||||||||||
| ||||||||||||||||||
Wetenschoplich Naam | ||||||||||||||||||
Vampyromorpha | ||||||||||||||||||
Grimpe, 1917 |
Vampirdintenfische hefft twuschen de beiden eersten Armpaare (vun'n Kopp her tellt) noch en Paar Fadens, de torüchtrocken weern könnt un de as Sinnorgan bruukt weert. Ok en Schulp hefft se noch, de vun dat „Huus“ nableven is, dat vun de Vorwesers as Butenskelett bruukt wurrn weer. Man bi den hüdigen Vampirdintenfisch besteiht düsse Schulp bloß noch ut orgaansch Materiol, ohn Kalk oder Aragonit dor mit bi. Bi annere Aarden vun de Vampirdintenfische, de midderwielen utstorven sünd, weer de Schulp noch mit dünne Lagen vun Kalk afstütt wurrn.
De ollsten Vampirdintenfische weern in dat uppere Trias (Rhät) upkamen. Ut dat Middeljura (Callovium) vor bi 161,2–164,7 Johre is Vampyronassa rhodanica bekannt.
Vörmols geev dat bi de Vampirdintenfische fiev Familien. De weern unnerdeelt in en Reeg vun Geslechter un Aarden. Hüdigendags leevt wohrshcienlich bloß noch een enkelte Aart.
This article uses material from the Wikipedia Plattdüütsch article Vampirdintenfische, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.