Tang

Een Tang (f. pl. Tangen) is een Warktüüg, dat bi alle Oorten Handwarkslüüd, in’n Huushold un bi de Dokters bruukt ward. Een Tang is mehrstens ut Iesen un besteit in de Regel ut twee Deel, de mit een Lenk verbunnen sünn. Op de enen Siet vun dat Lenk is beid mal een Greep, up de annern Siet sitt de Tangenkopp, de ganz un gor ünnerscheidlik utseihn kann un ünnerscheidlik Sinn hett. Düsse Oort Lenktangen funkschoneeren jümmer so, dat’n de Grepen mit de Hannen tohoop drückt un denn ward beid Deel vun den Tangenkopp ok tohoop drückt un so maakt de Tang dat, woför se dor is.

Biespele för de ünnerscheidlik Tangen för ünnerscheidlik Brukers:

Tangen, de in’n Handwark bruukt ward:
• Knieptang, Kombitang, Blindniettang, Rundtang, Flachtang, Spitztang, Smeetang, Waterpumpentang, Ösentang usw.

Tangen, de in’n Huushold bruukt ward:
• Iestang, Grilltang, Zuckertang, Spaghettitang, usw.

Tangen, de bi’n Dokter oder in’n Krankenhuus bruukt ward:
• Verbandstang, Geboortstang, usw.