Robert Joseph Lefkowitz

April">15. April 1943 in New York City, New York) is en US-amerikaansch Biochemiker un Perfesser an de Duke University in Durham, North Carolina. 2012 wurr hüm gemeensam mit Brian Kobilka de Nobelpries för Chemie „för hör Studien to G-Protein-koppelt Rezeptoren“ toerkannt.

Lefkowitz hett 1962 sien Bachelor in Chemie un 1966 sien Doktertitel M.D., beid an de Columbia University in New York City kreegen. Ansluutend hett he as Assistenzarzt (Intern, later Assistant Resident) an dat Columbia-Presbyterian Medical Center arbeit, bevör he 1968 as Forschensassistent an dat National Institutes of Health in Bethesda, Maryland, wesseln dee. 1970 kreeg he en Anstellung as Senior Resident an dat Massachusetts General Hospital in Boston, Massachusetts. Siet 1973 hettLefkowitz en Professur an dat Duke University Medical Center in Durham, North Carolina, inne – tonächst as Assistant Professor, siet 1977 as ordentlich Perfesser. Siet 1976 övernimmt he tosätzlich Forschensarbeiten för dat Howard Hughes Medical Institute in Durham.

Lefkowitz is verheiraadt un hett fiev Kinner.

Lefkowitz kunn Struktur, Funktschoon un Regulatschoon vun den Beta-Adrenozeptoren as Modell för de Verbinnen tüschen G-Protein-koppelt Rezeptoren un cyclischen AMP un to glieker Tiet de molekularen Mechanismen vun de Katecholamin-Wirken upklären. Sien Arbeiten hebbt dat Feld för dat Erforschen vun verscheeden physiologisch un pathophysiologisch Tostände un hör medikamentöös Behanneln apen maakt. Nee'ere Arbeiten befaaten sück mit β-Arrestinen.

• 1978 Passano Young Scientist Award
• 1978 John J. Abel Award
• 1988 Gairdner Foundation International Award
• 1988Liddmaatschap in de National Academy of Sciences
• 1988 Liddmaatschap in de American Academy of Arts and Sciences
• 2001 Jessie Stevenson Kovalenko Medal
• 2003 Endocrine Regulation Prize
• 2007 National Medal of Science
• 2007 Shaw Prize in Life Science and Medicine
• 2007 Albany Medical Center Prize
• 2012 Nobelpries för Chemie

• Nicole Kresge, Robert D. Simoni und Robert L. Hill: Modeling β-Adrenergic Receptor Activation: the Work of Robert J. Lefkowitz. The Journal of Biological Chemistry, 282, e10 (online)
• R. Snyderman: Introduction of Robert J. Lefkowitz. In: The Journal of clinical investigation. Band 121, Nummer 10, Oktober 2011, S. 4192–4200

• Lefkowitz up de Siet vun den Nobelspries (engelsch)
• Robert Lefkowitz’ Labor (lefkolab.org)
• Robert J. Lefkowitz, M.D. un Research Abstract an dat Howard Hughes Medical Institute (hhmi.org)