Philippe Thys (* 8.
Oktober">8. Oktober 1890 in Anderlecht; † 16. Januar 1971 in Brüssel) weer en belgisch Radrennfohrer, de dat as eerst schafft hett, dreemal de Tour de France to winnen.
To sien Tour-Siege 1913, 1914 un 1920 weern seker noch en paar mehr dortokommen, wenn hüm de Eerste Weltkrieg nich „de best Johren roovt harr“ (Zitat vun den Tour-Chef Henri Desgrange bi de Siegerehrung 1920). Blangen bi hett he aber ok noch de Lombardei-Rundfohrt un Paris–Tours (beid 1917) up sien Naam schrieven kunnt. 1921 wunn he todem dat eerstmals utdragen Rennen Critérium des As.
Mit 22 Johren un 9 Maand bi sien eersten Triumph 1913 is Thys bit hüüd noch en vun de jüngst Tour-Sieger vun all Tieden. In Eersten Weltkrieg deen Philippe Thys bi de franzöösch Luftwappen, kunn aber wegen tallriek Sonnergenehmigungen wiederhen traineeren.
Nahdem Thys 1927 sien Radsport-Loopbahn afslooten harr, hett he mit dat Bagenscheeten en neen Sport für sück opdeckt. He wurr todem Präsident vun de „Brüsseler Bagenschüttensellschopp“.
This article uses material from the Wikipedia Plattdüütsch article Philippe Thys, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.