Steernbild Pennelklock

Dat Steernblid Pennenklock is nich opfällig, man dat besteiht ut en Keed vun teemlich lichtswacke Steerns. Blots een dorvun is heller as de 4. Gröttenklass. Dat Steernbild liggt in’n Westen vun Achernar, den hellsten Steern ut den Erdinanus. Vullstännig to sehn is de Pennelklock eerst süüdlich vun’n 20. Bredengraad. Vun Düütschland ut is dat Steernbild so goot as gor nich to sehn.

Dat Steernbild is 1752 vun den franzööschen Astronom Nicolas Louis de Lacaille ünner den Naam Horologium Oscillitorium inföhrt worrn. Lacaille hett de Steerns vun de Süüdhalfkugel to ne’e Steernbiller tosamenfaat, de he na technische Reedschoppen nöömt hett

Steerns

α Horologii is en Steern in en Afstand vun 200 Lichtjohren, de oraansch lüchten deit in de Spektralklass K1 III. ι Horologii is 50 Lichtjohren wiet weg. In’t Johr 1998 is bi dissen Steern en Exoplanet opdeckt worrn.

Ännerliche Steerns

 

R Horologii is en ännerlichen Steern vun’n Typ Mira, de sien Helligkeit över en Tietduur vun 405 Daag düchtig ännert. In sien Maximum kann he as ro’en Steern mit dat fre’e Oog sehn warrn. Man, wiel sien Minimum bruukt man en middelgroot Teleskop, wenn man em sehn will. De Steern is ruchweg 500 Lichtjohren wiet weg un höört to de Spektralklass M7 III.

NGC-Objekten

• Steernbild
• Naams vun Steerns