Ochtersum
Ochtersum is en Gemeend in de Samtgemeend Holtriem in den oostfreeschen Landkreis Wittmund, Neddersassen.
De Gemeend harr 2004 etwa 950 Inwahner up en Gesamtrebeet vun 10,82 km².
Geografie
Laag
Ochtersum liggt teihn Kilometer westlich vun Esens an de Landesstraat 6 tüschen Holtgast un Utarp.
Gemeendgleedern
De Oortsdeelen sünd Barkholt, Ostochtersum un Westochtersum.
Geschichte
De fröheste bekannte oorkundlich Nömmen stammt ut dat Johr 1411. De St. Materniani-Kark Westochtersum wurr tüschen 1260 un 1270 upbaut. Vör dat Indieken vun de nördlich Rebeeden kunn bi hooch Floot de Noordsee bit to de Kark heranrecken.
Vun de eenstige Toornholländer-Windmöhlen steiht hüüd blots noch de Rump. Se wurr 1911 anstäe vun en Buckwindmöhlen upricht.
De hüüdig Gemeend Ochtersum entstunn an' 1. Juli 1972 ut den Tosommensluss vun de beid Gemeenden Ostochtersum un Westochtersum.
Politik
Gemeenderaat
De Raat vun de Gemeend Ochtersum besteiht ut 9 Raatsfruen un Raatsherren. Dat is de fastleggt Antall för de Liddmaatsgemeend vun en Samtgemeend mit en Inwahnertall tüschen 501 un 1.000 Inwahnern. De 9 Raatsfruen un Raatsherren wurrn dör en Kommunalwahl för jewiels fiev Johr wählt. De aktuelle Amtstiet fung an' 1. November 2011 an un geiht an' 31. Oktober 2016 to Enn'.
De Gemeenderaat hett dat Gemeenderaatslidmaat Franz Pfaff (FWG) to'n ehrenamtlichen Börgermeester för de aktuelle Wahlperiood wählt.
All wählt Ratsliddmaaten hörrn de Wählergemeenschap FWG an.
Sehenswürdigkeiten
- St.-Materniani-Kark ut dat 13. Johrhunnert
Weblenken
Enkeld Nahwiesen
This article uses material from the Wikipedia Plattdüütsch article Ochtersum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.