Nevenmeer

Betekent warrt dormit Rebeden vun de Ozeanen, de dör Keden vun Eilannen oder Drempels un Rüchen ünner de See vun dat Hööftmeer afgrenzt sünd oder ok dör Deelen vun’t Fastland oder dör Halfeilannen.

Faken warrt Ünnerebeden vun en Nevenmeer ok wedder as Nevenmeer betekent. In dissen Sinn is to’n Bispeel de Ägäis en Nevenmeer vun’t europääsche Middelmeer.

• Middelmeeren leegt twüschen twee Eerddeelen. En bekannt Bispeel is de Middellannsche See twüschen Europa un Afrika, för de ok de Egennaam „Middelmeer“ begäng is.

• Binnenmeeren sünd grote Nevenmeeren, de blots vun een Eerddeel ümgeven sünd un blots över en smalle Seestraat mit den Ozean verbunnen sünd. Dat annere Över is dorbi mit dat fre’e Oog to sehn. En bekannt Bispeel is de Oostsee.

• Randmeeren sünd Nevenmeeren, de an’n Rand vun en Eerddeel leegt un blots dör Eilannen un wietmaschige Inselkeden, Drempels oder Rüchen in de See – also blots unvullstännig – vun’n fre’en Ozean scheedt sünd. En Bispeel hierför is de Barentsee.