Mauro Bellugi: Italienschen Footballspeler

Februar">7. Februar 1950 in Buonconvento, Provinz Siena, Italien; † 20. Februar 2021 in Mailand) weer en italieensch Footballspeler.

Mauro Bellugi fung sien Karriere in de Jöögd vun Inter Mailand an, wo he 1969 in de eerste Mannschap keem. Sien Debüt in de Serie A geev he an’n 21. September 1969 bi den 2:1 Utwärtssieg in Palermo. In 137 Serie-A-Spelen för de Nerazzuri kunn he een Door scheeten. He speel meestens as defensiv Middelfeldspeler oder as Libero. 1970/71 wunn he den italieenschen Meestertitel mit Inter Mailand. In de folgend Spielzeit reck he mit Inter dat Finale iin de Europapokal vun de Landsmeester, dat man tegen Ajax Amsterdam mit 0:2 verlor. 1974 wessel Bellugi to’n FC Bologna, de een Johr vör sien Wessel italieensch Pokalwinner wurrn weer. In veer Johren Bologna hett sien Mannschap kein Titel wunnen. 1979 is he för een Johr to’n SSC Neapel wesselt un later to den Upstieger AC Pistoiese. Dat Team is aber ok glieks weer afsteegen un Bellugi hett, nu 31 Johr olt, sien Loopbahn afslooten.

Internatschonal speel Mauro Bellugi siet den 7. Oktober 1972 32 Mal för Italien, hett aber kien Door schaaten. Bi de Football-Weltmeesterschap 1974 in Düütschland stunn Bellugi woll in’n Kader, keem aber nich to’n Insatz. Veer Johr later bi de Weltmeesterschap 1978 wurr he dorgegen 5 Mal insett, Italien wurr insgesamt Veert. Bi de Football-Europameesterschap 1980 in Italien wurr he mit sien Mannschap ebenfalls weer Veert.

Mauro Bellugi mussen in dat Öller vun 70 Johren beid Beenen wegen en COVID-19-Infektschoon afnommen wurrn. Wenig Week later is he storven.

• Italieensch Meister 1970/71

  Mauro Bellugi. Mehr Biller, Videos oder Audiodateien to’t Thema gifft dat bi Wiki Commons.

• Mauro Bellugi in de Datenbank vun weltfussball.de