Kinner-Riemels sünd kotte Schnacks oder Leder, de sick riemen daut un de oftmols mit Fingerspeele verbunn sünd.
Se ward in bestimmte Melodien oder tomindest in een bestimmten Rhythmus schnack.
Lütte Kinner mög Riemels ümmer gern hörn un dat giff eenige, de al över Generatschoons wiedergeben ward. Jüs ut de ollen Kinner-Riemels kann man mitünner maken, wie sick de Tieden ännert hebt, denn de Themen sünd hüt ni mehr so alldächlich wie dormols.
Bi düsset Bispeel hölt dat Kind de Hand mit de Handfläche no´n boben hin un ümmer bi dat letzte Wort vun jede Zeile lech man sien eegene Handfläche dorrop. Bloss bi´n letzten "Düdeldüdelüt" mok man mit den Zeigefinger lütte Kreise in de Handfläche, so dat man dat Kind dormit kiddeln deit.
Hess een Doler
geist no´n Maarkt
köffst di een Kalf
köffst di een Koh
un een lütten Düdelüdelüt dortau.
Düdelüdelüt, mien Geld is al -
morgen kummt mien Tante -
bring mi een Sack vull Düdelüdelüt -
un denn sech ik danke.
Hier ward uk bi jedes "Düdelüdelüt" mit den Zeigefinger Kreise in de Handfläche vun dat Kind tek, so dat dat een beten kiddeln deit.
Moorn is Middeweken -
wölt wi een lütten Fikel steken.
Weet ni, wo wi em steken schölt -
dor ni -
dor ni -
doooooor!
Hier ward bi dat erste "dor ni" mit den Zeigefinger op de Arms vun das Kind wies. Bi dat tweete "dor ni" op de Been und bi "dooooor" wart dat Kind an Buk kiddelt.
Höör - höör- höör -
keen steit dor vör de Döör -
een lütten Jung un een lütte Deern,
de wüllt uns Neele dat Danzen leern.
Höör - höör -höör ...
Düsset Bispeel is een lütt Leed, de Melodie geit wie bi "Schlaf, Kindlein schlaf". Statt "Neele" ward ümmer de jeweilige Nom vun dat Kind sungen, dem man dat jüs vörsingen deit.
Zuck Zuck Zuck no Möhlen
Neele sitt op den Geelen
Heiner sitt op de bunte Koh
riet wi gau no Möhlen tau
Bi düsset Bispeel sitt da Kind as bi "Hoppe Hoppe Reiter" op den Schaut un wart op- un dohlrüttelt, as wenn dat Kind op een Peert sitten deit
This article uses material from the Wikipedia Plattdüütsch article Kinner-Riemels, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.