Joseph II., an un for sik Joseph Benedikt August Johann Anton Michael Adam (* 13.
März">13. März 1741 in Wien; † 20. Februar 1790 ok dor), weer en Först ut dat Huus Habsborg-Lothringen. He is Erzhartog in Öösterriek ween un 1764 röömsch-düütschen König wurrn. Vun 1765 bit 1795 is he as Nafolger vun sien Vadder Franz I. Stephan ok Kaiser vun dat Hillge Röömsche Riek ween, vun 1780 af an, as siene Mudder Maria Theresia sturven weer, ok König vun Böhmen, Kroatien un Ungarn. Na sien Dood is em sien Broder Leopold II. up den Throon folgt.
De latere Kaiser Joseph II. weer dat veerte Kind, man de eerste Söhn vun Maria Theresia un ehren Mann, Franz I. Stephan, de later Kaiser weern scholl. He is noch an'n sülvigen Avend döfft wurrn.
Joseph hett an'n 6. Oktober 1760 in Wien de Prinzess Isabella vun Bourbon-Parma (1741–1763) freet. Se weer Hartog Philipp vun Parma, Piacenza, Guastalla un den siene Fro Louise Elisabeth vun Frankriek ehre Dochter. De beiden hefft twee Kinner harrt, de man fröh sturven sünd:
An'n 23. Januar 1765 hett he in Wien-Schönbrunn siene Cousine in'n tweeten Graad freet, dat weer Maria Josepha vun Bayern (1739-1767). Se weer de Dochter vun Kaiser Karl VII. un den siene Fro, de Erzhartogsche Maria Amalia vun Öösterriek. Joseph hett sik um düsse Eh' nich sunnerlich scheert, un so hefft se keen Kinner mit'nanner harrt.
An'n 27. März 1764 is he as Joseph II. to'n röömsch-düütschen König wählt wurrn. An'n 3. April 1764 weer de Krönung. Sien Wahlspröök weer Virtute et exemplo („Dör Döögd un Bispeel“). 1765 is he na den Dood vun sien Vadder Kaiser wurrn un dröff ok in de Erzhartogsche ehre Länner mitregeern, man dor hett Maria Theresia em nich veel maken laten. Dat bannige Vermögen, wat he vun sien Vadder arvt hett, hett he to'n grottsten Deel bruukt, umd en Huushollt vun den Staat wedder up Schick to bringen. As röömsch-düütschen Kaiser harr he in düsse Tied al nich mehr veel to seggen.
In allerhand Fragen harr he en annere Meenung, as siene Mudder. Ofschoonst se allerhand egen Reformen anslahn harr, leev se in ehr Denken un Föhlen doch noch in de Tied vun de Gegenreformatschoon. Gegen ehr over weer Joseph doch al en Frund vun de Upklärung un ehre Ideen. In düsse Johre hett he den vörmoligen Gegenspeler vun Öösterriek, Frederik II. bewunnert un hett sik 1769 in Neiße mit em drapen. Na Maria Theresia ehren Dood hett he noch versocht, düsse Gedanken in de Politik um to setten, man veel is dor nich vun wurrn. 1790 is he an Tuberkolose sturven. Sien Nafolger as Kaiser is sien jüngern Broder Leopold II. wurrn.
Vörgänger | Amt | Nafolger |
Franz I. Stephan | Röömsch-düütschen Kaiser 1765-1790 | Leopold II. |
Maximilian I. | Karl V. | Ferdinand I. | Maximilian II. | Rudolf II. | Matthias | Ferdinand II. | Ferdinand III. | Leopold I. | Joseph I. | Karl VI. | Karl VII. | Franz I. Stephan | Joseph II. | Leopold II. | Franz II.
This article uses material from the Wikipedia Plattdüütsch article Joseph II. (HRR), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.