John Tietjen

Juni">18. Juni 1928 in New York; † 15. Februar 2004 in Fort Worth, Texas) weer een vun de bedüdensten US-amerikaanschen Theologen in dat 20. Johrhunnert. De Söhn vun düütsche Utwannerers weer en lutherschen Pastoor.

He studeer Theologie an’t Concordia Seminary in Clayton bi St. Louis, an dat he 1953 ok gradueer. Mit dat Wark „Which Way to Lutheran Unity?“ promoveer he in Theologie an’t Union Theological Seminary in New York. Na siene Amtsinföhrung 1953 weer he Pastoor in Teaneck un Leonia in New Jersey un denn Baas vun dat Afdeel för PR bi dat Lutheran Council in the USA. 1969 is he denn Präsident vun dat Concordia Seminary un 1975 Präsident vun dat Christ Seminary worrn. He weer Liddmaat vun de Kommischoon, de de Evangelical Lutheran Church in America (ELCA) 1987 grünn un weer ok korte Tiet Bischop vun de ELCA. 1989 is he Pastoor vun de Trinity Lutheran Church in Fort Worth in Texas worrn.

Sien Grootvader Nikolaus Tietjen weer de Börgermeester vun Appeln bi Bremen.

• John. H. Tietjen, Memoirs in Exile, Minneapolis 1976.