Hämatologie
De Hämatologie (vun greeksch αἷμα haima „Blood“ und λόγος logos „Lehr“) is een Rebeet vun de Medizin, neemlich de Lehr vun de Physiologie, de Pathophysiologie un de Krankheiten vun’t Blood un vun de bloodbillend Liefdelen.
Se befaat sik mit de böösordigen Krankheiten vun’t Blood, Stören bi’t Billen vun’t Knakenmark, Bloddverännern dör immunoloogsch Vörgäng, Stören bi’t Bloodstillen (hämorrhagisch Diathesen, Hämophilie) un övermatig Stollen vun’t Blood (Thrombophilie). De beiden letzten warrt ok ünner den Fachbegreep Hämostaseologie (Lehr vun’t Bloodstollen) tohopenfaat.
De bedüdensten Bloodkrankheiten sünd de akute un de chronische Leukämie (Bloodkrebs), böösordige Verännern vun de Lymphknutten (in de Ümgangsspraak „Lymphknuttenkrebs“ nöömt), Anämie (Bloodarmut) un de Hämophilie (Blöderkrankheit).
Tomeist laat sik Krankheiten vun’t Blood ut dat Blood sülvst wies warrn, mitünner mutt aver ok en Knakenmarkspunkschoon maakt oder en Lymphknutten rutnahmen un ünenrsocht warrn.
Kiek ok
- Blood
- Porphyrie
This article uses material from the Wikipedia Plattdüütsch article Hämatologie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.