Hans Katzer (* 31.
Januar">31. Januar 1919 in Köln; † 18. Juli 1996 ok dor) weer en düütsch Politiker vun de CDU. He weer vun 1965 bit 1969 Bundsminister för Arbeit un Sozialordnung.
Katzer wurr an’ 31. Januar 1919 as Söhn vun den Verbandssekretär vun de Kathoolsch Gesellenvereen, Karl Katzer, un sien Fru Rosa (geb. Franke) boren. Sien Vader weer as ut Böhmen stammend Schreinergeselle up de Wannerschaft in Köln bleven. He seet för dat Zentrum vun 1919 bit 1933 in de Kölner Raat, hett aber, as de Nazis an de Macht kommen sünd, sien Berop as Sekretär und Mandat verlorenverlor. Hans Katzer kunn denn nich Architekt wurrn und muss nah de Realschool de School afbreken. He is denn Koopmannsgehilfe wurrn. Nah den Rieksarbeitsdeenst nehm he van 1939 bit 1945 an den Tweeten Weltkrieg deel, kreeg aber en Lungensteckschööt un leeg en Johr in’t Lazarett.
1945 is he ut de Kriegsgefangenschap entlaaten wurrn. In dat glieker Johr is he bi dat Arbeitsamt in Köln anfungen un weer 1948 all Afdeelensleiter.
Katzer hett in dat Arbeitsamt ok sien tokünftig Fru Elisabeth kennenlernt, een Dochter vun Jakob Kaiser, de dor en Praktikum maakt hett. 1949 hebbt se heiraadt. Ut de Ege gung en Dochter, Marietheres, hervör.
1945 hörr Katzer to de Mitbegründer vun de Kölner CDU. Af 1950 weer he Hööftgeschäftsführer vun de Sozialausschüsse vun de Christlich-Demokratischen Arbeitnehmerschaft (CDA). 1963 bit 1977 weer he Vörsitter vun de CDA.
Van 1969 bit 1980 weer he stellvertredend Bundsvörsitter vun de CDU. 1962 hett Katzer in Erinnerung an sien Schwegervader de Jakob-Kaiser-Stiftung grünnd, deren Vörsitter he bit 1994 weer. .
An’ 9. November 1952 wurr Katzer in den Raat vun de Stadt Köln wählt. Nahdem he in den Bundsdag wählt wurrn weer, hett he sien Mandat as Stadtverordneter an’ 16. Januar 1958 upgeven.
Van 1957 bit 1980 weer he Bundsdagsafoordnter un van 1969 bit 1979 stellvertredend Vörsitter vun de CDU/CSU-Bundsdagsfraktschoon. Van 1979 bit 1984 weer he denn in’t Europäisch Parlament und van 1979 bit 1982 dorvan de Viezpräsident.
An’ 26. Oktober 1965 wurr he Bundesminister för Arbeit und Sozialordnung un bleev dat bit to’n 21. Oktober 1969.
Katzer kreeg 1969 dat Groode Verdeenstkrüüz vun de Bundrespublik Düütschland mit Steern un 1973 mit Schullerband.
Anton Storch | Theodor Blank | Hans Katzer | Walter Arendt | Herbert Ehrenberg | Heinz Westphal | Norbert Blüm | Walter Riester | Wolfgang Clement | Franz Müntefering | Olaf Scholz | Franz Josef Jung | Ursula von der Leyen | Andrea Nahles | Katarina Barley | Hubertus Heil
This article uses material from the Wikipedia Plattdüütsch article Hans Katzer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.