Oktober">1. Oktober 1942 in Burscheid) is en düütschen Journalist un Schriever. He is dor bekannt dör worrn, dat he sik ünner verkehrten Naam bi Ünnernehmen anhüern lett un denn in siene Böker de Missstänn opdeckt, de he dor beleevt.
Wallraff is 1942 in Burscheid as Söhn vun en Arbeider bi Ford boren. Wallraff is na de 10. Klass vun dat Gymnasium afgahn un hett en Lehr as Bookhändler maakt, mit de 1962 trech weer. Twischen 1963 un 1965 weer he bi verscheden Ünnernehmen Arbeider, ünner annern in en Sinteranlaag bi Thyssen. Över disse Tied hett he dat Book Wir brauchen dich – Als Arbeiter in deutschen Industriebetrieben schreven. 1965 hett he sik ok de Dortmunder Gruppe 61 anslaten. Vun 1966 af an hett he as Journalist bi de Hamborger Morgenpost arbeidt, denn bi de Tiedschrift pardon, un siet 1968 för de Tiedschrift konkret.
An’n 10. Mai1974 hett he sik en Keed an en Laternenmast in Athen fastslaten un so gegen dat Militärregime in Grekenland protesteert. De Geheempolizei hett em fastnahmen un ünner Folter hett he sien Identität priesgeven. He is to 14 Maand Haft veroordeelt worrn un in dat Gefängnis Korydallos kamen. Aver al in’n August is dat Regime tosamenbraken un Wallraff is freekamen. Över sien Beleevnissen in Grekenland hett he dat Book Unser Faschismus nebenan. Griechenland gestern – ein Lehrstück für morgen schreven.
1977 hett Wallraff dreeunhalv Maand bi de Bild-Zeitung in Hannover arbeidt. Över disse Tied hett he dat Book Der Aufmacher. Der Mann, der bei „Bild“ Hans Esser war schreven. Dat Book beschrifft, dat bi Bild nich journalistisch sauber arbeidt warrt un dat ok bi de Recherche veel unsauber löppt. Dat Book hett denn för veel Opsehn sorgt. De Presseraat hett gegen Bild söss Rügen utspraken, aver ok gegen Wallraff een. De Bild hett denn Wallraff anklaagt. Wallraff müss welk Sätz ut sien Book rutstrieken laten, aver den groten Deel vun de Anklaagpunkten hett he wunnen.
Vun 1983 af an denn hett Wallraff sik twee Johr lang as törkschen Gastarbeider utgeven un över disse Tied dat Book Ganz unten schreven.
Wallraff sien Recherche-Methood, sik ünner verkehrten Naam intoslieken, hett sogor dat sweedsche Verb wallraffa un dat norweegschewallraffe nee präägt.
Reportagen 1963–1974. Mit Materialien und einem Nachwort des Autors. (1987) ISBN 3-462-01796-9
Vom Ende der Eiszeit und wie man Feuer macht. Aufsätze, Kritiken, Reden. Mit einem Vorwort von Prof. Dr. Hans Mayer. (1987) ISBN 3-462-01845-0
Akteneinsicht (1987)
Und macht euch die Erde untertan. Eine Widerrede. (1987) ISBN 3-88243-084-2
Ganz unten. Mit einer Dokumentation der Folgen. (1988) ISBN 3-462-02193-1
Wallraff war da. Ein Lesebuch von Günter Wallraff. (1989) ISBN 3-88243-116-4
Mein Tagebuch aus der Bundeswehr. Mit einem Beitrag von Flottillenadmiral Elmar Schmähling und einem Dialog zwischen Günter Wallraff und Jürgen Fuchs. (1992) ISBN 3-462-02206-7
Ich – der Andere. Reportagen aus vier Jahrzehnten. (2002) ISBN 3-462-03167-8
Rutgever
Heinz G. Schmidt: Der neue Sklavenmarkt. 1985
S. G. Turan: Freiwild. 1992
A. Lessing: Mein Leben im Versteck. 1994
S. Cürükkaya: PKK – Die Diktatur des Abdullah Öcalan. 1997
D. Kaya: Meine einzige Schuld ist, als Kurdin geboren zu sein. 1998
Christian Linder: In Sachen Wallraff. Berichte, Analysen und Dokumente. Kiepenheuer & Witsch, Köln 1975
Neuausgabe: In Sachen Wallraff. Von den „Industriereportagen“ bis „Ganz unten“. Berichte, Analysen, Meinungen und Dokumente. Kiepenheuer & Witsch, Köln 1986
Frank Berger: Thyssen gegen Wallraff. Chronik einer politischen Affäre. Steidle Verlag, Göttingen 1988
This article uses material from the Wikipedia Plattdüütsch article Günter Wallraff, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.