Esther Caroline Duflo

Oktober">25. Oktober 1972 in Paris) is en franzöösch-amerikaansch Ökonomin un Hochschullehrerin an dat Massachusetts Institute of Technology, wo se de Abdul-Latif-Jameel-Professur för Armotsbekämpen un Entwicklungsökonomie innehett. De Swoorpunkt vun hör Forschung liggt up mikroökonomischen Themen in Entwicklungslänner, dorünner dat Verhollen vun Huushollen, Bildungspolitik, Togang to Finanzdeenstleistungen, Gesundheitspolitik un de Bewertung vun wertschapspolitischer Maatnahmen. Duflo hett up Tofall footen Feldexperimente to dat Beoordeelen vun politisch Maatnahmen maatgevend wieder entwickelt, bi de Minschen per Tofallsprinzip in Gruppen indeelt un licht verännert verscheeden Bedingungen utsett wurrn, um to erkennen, welker Politik welke Folgen hemm.

The Economist hett hör 2008 to de acht inflootriekskten Ökonomen vun de Welt tellt. Dat Magazin Time hett hör 2011 to de 100 inflootrieksten Personen vun de Welt tellt. Hör Book Poor Economics wurr vun de Financial Times to dat Wertschapsbook vun dat Johr 2011 nömmt.

De dormalige US-Präsident Barack Obama hett hör 2012 in den präsidentialen Beratungsraat för globale Entwicklung beropen. Hör Upgaav weer, den US-Präsidenten un hoochrangig Liddmaaten vun de Regeeren to beraaden. Linke Kritiker schmieten hör vör, de Disziplineeren vun de arm Lüüd statt sellschopplich Verännern to vertreeden. De makroökonomischen un politisch-strukturellen Oorsaken vun de Armoot weern kien Gegenstand vun hör Analyse un se wull kien Umverdeelen vun de sellschopplichen Ressourcen togunsten vun de Armen.

2019 kreeg se gemeensam mit Abhijit Vinayak Banerjee un Michael Robert Kremer as tweet Fru nah Elinor Ostrom (2009) un bither jüngste Priesdrägerin den Nobelpreis för Wertschapswetenschapen.

Kindheit un Utbillen

Esther Duflo is de Dochter vun de Ärztin Violaine Duflo un den Mathematiker Michel Duflo. Se hett an de Grande école École normale supérieure studeert un hett hör Studium 1994 mit de Maîtrise in Geschichte un Volkswertschapslehre (VWL) afslooten. 1995 hett se hör Hööftstudium an de École des hautes études en sciences sociales (EHESS) mit en DEA in Volkswertschapslehre afslooten. Dornah is Duflo an dat Massachusetts Institute of Technology (MIT) wesselt un het dor 1999 mit de Dissertatschon Dree Essays in Empirischer Entwicklungsökonomie (Three Essays in Empirical Development Economics) hör Doktertitel kreegen.

Beroplich Werdegang

Nahdem se hör Doktertitel in Volkswertschapslehre kreegen harr wurr Duflo Assistant Professor för VWL an dat MIT, bevör se 2002 to’n Associate Professor un 2004 to en vullwertig Perfesser för VWL befördert wurr. Van 2001 bit 2002 lehr Duflo as Gastperfesserin an de Princeton University. 2003 hett se gemeensam mit Sendhil Mullainathan un Abhijit Vinayak Banerjee an dat MIT dat Poverty Action Lab grünnd, de sien Direktorin Duflo 2004 wurr. Dat Poverty Action Lab is en Forschungsnettwark, dat sück mit de Entwicklung vun nee Methoden to de Armotsbekämpen un de Bewertung vun wertschapspolitischen Maatnahmen dör randomiseerte kontrolleerte Feldexperimente befaat un 2005 in Abdul Latif Jameel Poverty Action Lab umnömmt wurr. 2015 hemm dor mehr as 100 Wetenschapler arbeit.

2005 kreeg Duflo de nee schafft Abdul-Latif-Jameel-Professur för Armotsbekämpen un Entwicklungsökonomie aan dat MIT. Neben hör Lehr- un Forschungsarbeit arbeitet se siet 2007 as Redakteurin för de wertschapswetenschapliche Facktietschriften Annual Review of Economics un The American Economic Journal: Applied Economics, wobi se Mitgrünnerin vun de letztere Publikatschoon is. Tovör weer Duflo redaktschonell för de Review of Economics and Statistics (2002–2007), dat Journal of Development Economics (2004–2006), dat Journal of Economic Perspectives (2004–2007) un dat Journal of the European Economic Association (2002–2006) tätig. 2019 wurr se mit den Nobelpries för Wertschapswetenschapen uttekent.

Nah de wertschapswetenschapliche Publikatschonsdatenbank IDEAS hörrt Duflo in dat Gesamtranking düütlich to de best 1 % Ökonomen (Rang 110, Stand Oktober 2015). Ok ünner Kriterien as „Antall an Publikatschonen“ oder „Antall an Zitaten“ hörrt Duflo to de best 5 % vun de in de Datenbank erfaaten Ökonomen. De an’n fakensten ziteert Artikel vun Duflo drocht den Titel How Much Should We Trust Differences-in-Differences Estimates (2002) un wurr tosommen mit Marianne Bertrand un Sendhil Mullainathan verfaat. In dissen Artikel analyseeren Bertrand, Duflo un Mullainathan de Differenz-vun-Differenzen-Schätzung (DIDE), en Schätzmethood för Kausalbetrecken, un kommen to den sluss, dat de DvD-Ansatz in sien herkömmlichen Gebruuk den Standardfehler vun de schätzt Wirkung vun den ünnersöökten Ingreep düchtig ünnerschätzt. Um den Autokorrelatschoonsproblem to begegnen, hemm Bertrand, Duflo un Mullainathan absluutend dree Lösungsvörslääg maakt: en Tosommenfall vun de Daten in Tietrüüm vör un nah den Ingreep, den Gebruuk vun en speziellen Kovarianzmatrix oder en Anpassung vun de Randomiseerensinterferenz-Testmethoden.

Duflo hör Institut hett Studien to Mikrokrediten in mehreren Lännern dörführt un funn, dat de Infloot völ minner weer, as faken annommen. De Wetenschaplerin snackt sück dorför ut, in de Entwicklungshülp Nahwiesen för den Spood vun bestimmt Maatnahmen intofordern, bevör man disse in’n grooten Stil umsett.

• 2003: Elaine Benett Prize for Research
• 2005: Prix du meilleur jeune économiste de France
• 2005: Bronzemedaille vun dat Centre national de la recherche scientifique (CNRS)
• 2009: Calvó Almengol International Prize vun de Barcelona Graduate School of Economics
• seit 2009: MacArthur Fellowship
• siet 2009: Fellow vun de American Academy of Arts and Sciences
• 2010: John Bates Clark Medal för hör Arbeit mit Feldexperimenten, de de Wirksamkeit vun wertschapspolitisch Maatnahmen vergliekbar maken
• 2010: Ehrendokter vun de Université catholique de Louvain
• 2011: Medaille de l'Innovation vun dat CNRS
• 2011: David N. Kershaw Award vun de APPAM
• 2011: Thomas C. Schelling Award vun de Harvard Kennedy School
• 2013: Dan-David-Pries
• 2014: Albert-O.-Hirschman-Pries vun dat Social Science Research Councils (mit Abhijit Vinayak Banerjee).
• 2015: Prinzessin-von-Asturien-Pries
• 2015: A.SK Social Science Award vun dat Wissenschaftszentrums Berlin für Sozialforschung(WZB)
• 2016: Utwärtig Liddmaat vun de British Academy
• 2017: Liddmaat vun de National Academy of Sciences
• 2019: Nobelpries för Wertschapswetenschapen

Esther Duflo hett sowohl de franzöösch Staatsbörgerschap as ok siet 2012 de vun de USA. Se is siet 2015 mit Abhijit Vinayak Banerjee verheiraadt, de ebenfalls Perfesser för Volkswertschapslehre is un mit den Duflo bi mehreren vun hör Forschungsarbeiten tosommenarbeit hett; se hemm twee gemeensam Kinner.

• mit Rema Hanna: Monitoring works. Getting teachers to come to school. CEPR, London 2006.
• mit Abhijit Vinayak Banerjee: Aging and death under a dollar a day. NBER, Cambridge, Mass. 2007.
• mit Marianne Bertrand, Sendhil Mullainathan: How Much Should We Trust Differences-in-Differences Estimates, Quarterly Journal of Economics, Band 119, 2004, S. 249–275
• Giving credit where it is due. In: The journal of economic perspectives. A journal of the AEA. Band 24 (2010), ISSN 0895-3309, S. 61–80.
• Requiescat in pace? The consequences of high-priced funerals in South Africa. In: David A. Wise (Hrsg.): Explorations in the economics of aging. University Press, Chicago, Ill. 2011, ISBN 978-0-226-90337-8, S. 351–373.
• mit Abhijit Vinayak Banerjee: Poor Economics. A Radical Rethinking of the Way to Fight Global Poverty. PublicAffairs, New York 2011, ISBN 978-1-58648-798-0.
  • deutsche Ausgabe: Poor Economics: Plädoyer für ein neues Verständnis von Armut. ISBN 978-3-8135-0493-4.
• Is decentralized iron fortification a feasible option to fight anemia among the poorest? In: David A. Wise (Hrsg.): Explorations in the economics of aging. University Press, Chicago, Ill. 2011, ISBN 978-0-226-90337-8, S. 317–344.
• Interview vun de Zeit mit Banerjee un Duflo, 2011
• mit Abhijit Vinayak Banerjee: Poor Economics. Barefoot Hedge-Fund Managers, DIY Doctors and the Surprising Truth about Life on Less than 1 $ a Day. Penguin Books, London 2012, ISBN 978-0-7181-9366-9.
• Kampf gegen die Armut. Ut dat Franzöösche vun Andrea Hemminger. Suhrkamp Verlag, Berlin 2013. ISBN 978-3-518-29664-6.
• mit Abhijit Vinayak Banerjee: Good Economics for Hard Times: Better Answers to Our Biggest Problems, Juggernaut Books, 12. November 2019. Themen: Einsichten aus der aktuellen ökonomischen Forschung zu breiten Themenfeldern wie Migration, Sozialhilfe, Umweltschutz, und Handel. Ein kurzer Teil beinhaltet auch ein Plädoyer für ein finanzierbares kleines Bedingungsloses Grundeinkommen (Universal Ultra Basic Income - UUBI) für Schwellen- und Entwicklungsländer am Beispiel Indien. ISBN 978-0-2413-0689-5.

  Esther Caroline Duflo. Mehr Biller, Videos oder Audiodateien to’t Thema gifft dat bi Wiki Commons.

• Esther Caroline Duflo in de Internet Movie Database (engelsch)
• Website vuin Esther Duflo am MIT
• Esther Duflo : Chaire Savoirs contre pauvreté-AFD (2008–2009). Collège de France; afropen an’n 15. Oktober 2019 (franzöösch). 
• Esther Duflo: Research output. In: IDEAS/RePEc. Afropen an’n 15. Oktober 2019 (franzöösch). 
• Esther Duflo: Policies, politics. Can Evidence Play a Role in the Fight against Poverty? (wiedergegeben auf YouTube, 1:06 Stunde) IGIER – 20th Anniversary Conference, Juni 2011; afropen an’n 15. Oktober 2019 (engelsch, Vortrag über evidenzbasierte Armutsbekämpfung). 
• Esther Duflo's Nobel Preis Vortrag: Field Experiments and the Practice of Policy 2019
• Utführlich Interview (mit düütsch Översetten) in de SRF Sendung Sternstunde Philosophie, 2017: Mit Methode die Armut besiegen (tosommen mit Abhijit Vinayak Banerjee)