Drew Weissman

September">7. September 1959 in Lexington, Massachusetts) is en US-amerikaansch Immunoloog an de University of Pennsylvania. Sien gemeensam mit Katalin Karikó dörführt Arbeiten – besünners to de Nukleosid-modifizierten mRNA – gellen as grundleggend för de Entwicklung vun RNA-Impstoffen. An‘n 2. Oktober 2023 wurr de beid de Nobelpries för Physiologie oder Medizin tospraaken.

Weissman kreeg 1981 bi Gerald Fasman an de Brandeis University en kombineerten Bachelor un Master in Biochemie un Enzymologie. 1987 kreeg he an de Boston University en kombineerten Ph.D. un M.D. in Immunologie un Mikrobiologie. Sien Fackdokterutbillen hett he an dat Beth Israel Hospital in Boston maakt. Af 1990 hett Weissman National Institutes of Health arbeit, af 1993 als Arbeitsgruppenleiter (Senior Staff Fellow) bi Anthony Stephen Fauci an dat National Institute of Allergy and Infectious Diseases.

Siet 1997 is Weissman an de University of Pennsylvania in Philadelphia. Hier is he hüüd (Stand 2021) Perfesser för Binnere Medizin an de Perelman School of Medicine. Sien Forschungsgrupp befaat sück ünner annern mit de Bedüüden vun RNA för Impstoffentwicklung un Gentherapie un mit de Antigenität vun HIV. Luut Datenbank Scopus hett Weissman en h-Index vun 61 (Stand April 2023).

Nah sien Wessel an de Universität in Philadelphia hett Weissman to de RNA un to de Biologie vun dat anboren Immunsystem forscht. Dor hett he 1998 Katalin Karikó kennenlehrt, de ebenfalls groot Interesse an dat Anwennen vun RNA hett un mit de he dornah johrenlang tosommenarbeit hett. Dat Hööfthinnernis, dat sück in de Therapieversöök wiesen dee, bestunn dorin, dat de RNA nich wünscht Immun- un Entzündungsreaktschonen al Nevenwirkungen hervörropen deen. Nah johrenlang Forschung gelung dat sluutend, dör den Gebruuk vun synthetisch Nukleoside de RNA so to modifizeeren, dat hör Afbau dör den Körper langsamer maakt wurr un de nicht wünscht Immunreaktionen minneseert wurr. Disse Dörbröök, de 2005 in en Studie bekannt maakt wurr, hett den Grundsteen för den Insatz vun RNA-Therapeutika leggt un wurr later vun BioNTech/Pfizer un Moderna för de Entwicklung vun hör COVID-19-Impstoffe lizenzeert. Dat Verfohren wurr patenteert, aber de Versöök, Pharma- oder Biotechfirmen dorför to interesseeren, weer vergeevens. Gemeensam mit Karikó hett Weissman dorüm dat Start-up-Ünnernehmen RNARx grünnd. En konkrete Medikamentenentwicklung hemm de beid aber nich henkreegen un dat vun beid erlangte Patents up de Technologie wurr vun de Universität, de de Rechte doran harr, verköfft.

Weissman hett ok mit Wetenschaplern vun de Chulalongkorn University in Thailand tosommen arbeit, um COVID-19-Impstoffe för dat Land un benahbert inkoomensswaak Länner to entwickeln un vörtohollen.

2003 wurr hüm gemeensam mit Katalin Karikó de Nobelpries för Physiologie oder Medizin tospraaken. Ehrt wurrn se för hör Opdecken to Nukleosidbasenmodifikatschonen, de de Entwicklung vun wirksam mRNA-Impstoffe gegen COVID-19 mögelk maaken.

  Drew Weissman. Mehr Biller, Videos oder Audiodateien to’t Thema gifft dat bi Wiki Commons.

• Drew Weissman bi de University of Pennsylvania (upenn.edu)
• Drew Weissman bi dat Institute for Translational Medicine and Therapeutics der University of Pennsylvania (upenn.edu)
• Informatschonen to, un akadeemsch Stamboom vun Drew Weissman bi academictree.org