Dessel
En Dessel (m., pl.
Dessels) is een ollet Warktüüch to dat Bearbeen vun Holt. As Sünnerform vun de Äx steiht hier dat Blatt/de Snie verdweer to’n Steel. Dat Blatt is bogen un, anners as bi de Äx, eensietig anslepen. Normaal hett de Dessel een vun achtern dörch dat Öhr steckten hölten Steel, de denn fastkielt is. Jenadem de Handwarksmann dormit ümgahen will, is de Steel ünnerscheedlik lang oder kort.
Bruukt wöör de Dessel in ünnerscheedlik Form un Grööt:
- Dessel mit graade Snied, nütt de Timmermann to’n Anhauen vun Fläken, Tappen, Blööd, usw. an alle Bohölter,
- Dessel mit graade oder bogene Snied hebbt de Schippstimmerlüüd fröher brukt,
- Dessel mit holle Snied, de denn ok veelfak up'n Eenhandgreep steelt weeren, keemen bi de Mollenhauers un Holtsnitzers in Gebruuk.
Dat Woort Dessel find'n all in'n Middelhochdüütschen als Dëhsel.
Nawiest is de Form un Bruuk vun een Dessel woll all mehr als 4000 Johr.
Weblenken
This article uses material from the Wikipedia Plattdüütsch article Dessel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.