Democraten 66
Democraten 66 (Offiziellen Naam: Politieke Partij Democraten 66; bit Enne 1985 afkört’ as D'66) is en linksliberale Partei in de Nedderlannen.
De Democraten 66 nömmt sik sülms progressiv, sozialliberal un freesinnig. De Partei is an'n 14. Oktober 1966 dör 44 Personen grünnt wurrn. 25 vun jem weern vördem in annere Parteien aktiv.. Achter de Grünnen vun düsse nee Partei steken dormols sunnerlich Hans van Mierlo, en Journalist vun datt Algemeen Handelsblad, de Parteibaas wurr, un Hans Gruiters, de Fraktschoonsvörsitter vun de VVD ut Amsterdam, de sik dorachter klemmt hett, datt nu ok worraftig en Polit’sche Partei tostanne kamen dö. Vun 1967 af an sitt se in verscheden Starkde in't Parlament. D66 warrt ankeken as de Partei vun de Midd an sik. In de Johre 1973–1977, 1981–1982, 1994–2002 un 2003–2006 hett se bi de Regeerung vun de Nedderlannen mitmaakt. Vun 2006 bit 2018 weer de Kunsthistoriker Alexander Pechtold Baas vun de Partei. De Jugendorganisatschoon hett den Naam Jonge Democraten (JD).D66 is Lidd vun de Allianz vun Liberalen un Democraten vor Europa (ALDE).
.svg){kind=logo}
Belege
This article uses material from the Wikipedia Plattdüütsch article Democraten 66, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.