Düütsch Lichtathletik-Verband

Sien Sitt hett de Verband in Darmstadt.

De DLV is an’n 29. Januar 1898 in Berlin ünner den Naam Düütsche Sportbehörde för Athletik grünnt worrn. In’t Johr 1908 weer de vun en Verband vun de Verenen in en Bund vun de (Lands-)Verbännen ümwannelt un kreeg de ne’e Beteken Düütsche Sportbehörde för Lichtathletik. In’n Rahmen vun’t Gliekschalten vun’n düütschen Sport is de Sportbehörde 1933 in dat Rieksfackamt Lichtathletik ünner dat Regeer vun Karl Ridder vun Halt överföhrt worrn. 1949 is de Verband ünner de hüütigen Beteken nee grünnt worrn. In’t Johr 1990 weer he mit den Lichtathletikverband vun de DDR (DVfL) tohopenleggt. To’n DLV höört mehr as 890.000 Liddmaten (Stand: 2008), de sik op mehr as 7.800 Verenen verdeelt. De Verband sülvst ist in twintig Landsverbännen ünnerdeelt.

De Düütsche Lichtathletik-Verband is de sösstgröttste Fackverband in’n Düütschen Olympischen Sportbund. Präsident is Dr. Clemens Prokop, sien Viez is Dagmar Freitag.

De Warf- un Lizenzrechten vun’n DLV warrt vun de Düütschen Lichtathletik Promotschoon- un Projektsellschop mbH vermarkt. Se sicht ok de groten DLV-Begeevnissen ut. De Europääsche Dackverband vun’n DLV is de European Athletic Association (EAA). De internatschonale Dackverband is de World Athletics.

De 20 Landsverbännen (LV) vun’n DLV von Noord na Süüd:

Noorddüütschland

• Sleswig-Holsteen:
  • SH: Sleswig-Holsteensch Lichtathletik-Verband (SHLV)
• Mekelnborg-Vörpommern;
  • MV: Lichtathletik-Verband Mekelnborg-Vörpommern (LVMV)
• Neddersassen:
  • NI: Neddersass’sch Lichtathletik-Verband (NLV)
• Hamborg:
  • HH: Hamborger Lichtathletik-Verband (HHLV)
• Bremen:
  • BR: Bremer Lichtathletik-Verband (BLV)
• Brannenborg:
  • BB: Lichtathletik-Verband Brannenborg (LVB)
• Berlin
  • BE: Berliner Lichtathletik-Verband (BLV)
• Sassen-Anholt:
  • ST: Lichtathletik-Verband Sassen-Anholt (LVSA)

Disse acht Landsverbännen vun Noorddüütschland richt blangen jemehr Landsmeesterschoppen ok gemeensome Noorddüütsche Meesterschoppen ut.

Westdüütschland

• Noordrhien-Westfalen:
  • WE: Football- un Lichtathletik-Verband Westfalen (FLVW)
  • NO: Lichtathletik-Verband Noordrhien (LVN)
• Rhienland-Palz:
  • RL: Lichtathletik-Verband Rhienland (LVR)

De dree Landsverbännen vun Westdüütschland richt blangen jemehr Landsmeesterschoppen ok gemeensome Westdüütsche Meesterschoppen ut. De FLWV un de LVN billt tosamen mit den Footballverband Nedderrhien un mit den Football-Verband Middelrhien den Westdüütschen Football- un Lichtathletik-Verband.

Süüddüütschland

• Döringen:
  • TH: Döringer Lichtathletik-Verband (TLV)
• Sassen:
  • SA: Lichtathletik-Verband Sassen (LVS)
• Hessen:
  • HE: Hess’sch Lichtathletik-Verband (HLV)
• Rhienland-Palz:
  • PF: Lichtathletik-Verband Palz (LVP)
  • RH: Lichtathletik-Verband Rhienhessen (LVR)
• Saarland:
  • SL: Saarlännsch Lichtathletik-Bund (SLB)
• Baden-Württemberg:
  • BA: Baadsch Lichtathletik-Verband (BLV)
  • WÜ: Württembergisch Lichtathletik-Verband e. V. (WLV)
• Bayern:
  • BY: Bayerisch Lichtathletik-Verband (BLV)

De negen Landsverbännen vun Süüddüütschland maakt blangen jemehr Landsmeesterschoppen ok gemeensome Süüddüütsche Meesterschoppen. Tosamen billt se ok den Süüddüütschen Lichtathletik-Verband.

• leichtathletik.de, Websteed vun de Düütschen Lichtathletik Promotschoon- un Projektsellschop mbH