Curt Heinrich Conrad Friedrich Jansen

Mai">5. Mai 1798 in Neenborg; † 12. Dezember 1861 in Göttingen) weer en düütschen Verwaltungsbeamten.

Jansen is 1798 as Söhn von Charlotte, borene Scheele (nich seker), un den Stüürinnehmer Friedrich Jansen boren un weer reformeert.

He weer von 1824 bet 1830 Gehülp bi de Nedderlaag in Celle un denn 1831 bet 1846 Spezialstüür-Innehmer. 1847 is he Kreisinnehmer-Gehülp in Celle worrn un keem 1860/1861 as Kreisinnehmer na Göttingen. Blangenbi hett he dat Statistische Handbuch des Königreichs Hannover tohoopstellt un rutbrocht.

He is an’n 12. Dezember 1861 na en Lungenentzünden doodbleven un an’n 16. Dezember begraven worrn.

He hett Johanna Amalia Catharina Möller freet. De beiden harrn de Kinner Mathilde Friederike Elisabeth (* 10. Oktober 1832), Friedrich Wilhelm Albert (* 8. Januar 1835), Sophie Caroline Marie (* 30. Januar 1839), Hermann Wilhelm Curt (* 30. Mai 1840), Friederike (* 25. September 1841), Anna Juliane (* 7. Oktober 1842) un Conrad Fürchtegott Friedebald (21. März 1848–2. Dezember 1940). An’n 7. Januar 1837 harrn se bito noch en Jung kregen, de noch an’n Dag von de Bort doodbleven is.

Jansen speelt en Rull för Arno Schmidt sien Romaan Das steinerne Herz von 1956. In dat Book fangt de Protagonist en Affäär mit de Enkeldochter von Jansen an, üm an de Nalass von Jansen rantokamen.

Ok binnen sien annere Böker un privat hett Arno Schmidt sik veel mit Jansen befaten.

• Statistisches Handbuch des Königreichs Hannover. In Commission der Helwings̓chen Hofbuchhandlung, 1824 (Google Böker)