Dit Woort hett noch annere Bedüden: kiek dorför ünner Cranz (Mehrdüdig Begreep).
Cranz is en Deel von de Stadt Hamborg (Bezirk Horborg).
Wapen/Flagg | Koort | |
---|---|---|
| ||
Basisdaten | ||
Flach: | 1,3 km² | |
Inwahners: | 825 ( | 31. Dezember 2010)|
Inwahnerdicht: | 634,6 Inwahners pro km² | |
Postleettall: | 21129 | |
Vörwahl: | 040 | |
Geograafsche Laag: | 53° 32′ N, 9° 47′ O | |
Grenzen bi OSM: | 78714 | |
Cranz liggt in’n Oosten von Oolland (drüdde Miel) in de Masch un liggt op dat linke Över an de Münn von de Eest un an’n Ingang na de ole Süderelv.
In’n Noorden op dat annere Över von de Elv liggt Blanknees, in’n Oosten Finkwarder, in’n Süüdoosten Nincop, in’n Süden Rübk, in’n Süüdwesten Moorenn, Hoov un Königriek un in’n Westen Leeswig, Achterbraak un Kohlenhusen.
Von 1885 bet 1932 hett Cranz to’n Kreis Jörk tohöört (vörher to dat Amt Jörk) un is denn Deel von’n Landkreis Horborg worrn. Aver al mit dat Groot-Hamborg-Gesett von 1937 is de Oort denn an Hamborg kamen.
In’n Eersten Weltkrieg sünd 24 Soldaten ut Cranz fullen oder vermisst.
Johr | Inwahners |
---|---|
1824 | 699 |
1848 | 702 Lüüd, 89 Hüüs |
1. Dezember 1910 | 686 |
31. Dezember 2010 | 825 |
Cranz is evangeelsch-luthersch präägt un höört to dat Kaspel von de Martini-Kark in Eestbrügg.
För de Wahlen to de Hamborgsche Börgerschop un de Bezirksversammlung höört Cranz to’n Wahlkreis Süderelv. Bi de Börgerschopswahl 2011 is dat rutkamen:
In Cranz gifft dat en Denkmaal för de Fullenen ut den Eersten Weltkrieg.
Cranz liggt an de Straat Eestdiek, de von Eestbrügg un Königriek in’n Süüdwesten her in’n Landkreis Stood as Kreisstraat 39 de Eest hoogkummt. Dor drippt se op de Straat Cranzer Hauptdiek, de denn na Westen to na Achterbraak un Kohlenhusen hen na Bossel löppt un achter de Landsgrenz wedder to de K 39 warrt. Na Oosten över de Brügg von dat Eest-Sparrwark geiht de Straat na Neefeld un Finkwarder.
De nächste Bahnhoff is in Buxthu an de Nedderelvbahn.
Cranz hett en egen Grundschool.
Cranz | Eißendörp | Francop | Good Moor | Horborg | Husbrook | Heimfeld | Langenbeek | Marmsdörp | Moorborg | Neefeld | Neegraben-Fischbek | Neeland | Oolwarder | Rönnborg | Sinstörp | Wilstörp
This article uses material from the Wikipedia Plattdüütsch article Cranz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.