Arvnaam

Dat gifft verschedene Formen vun Arvnaams. Een Form is, dat de eerste Söhn direkt den Naam vun’n Vader kriggt. De König vun Schottland to’n Bispeel hett vun 1406 bet 1625 jümmer Jakob heten (blot een Marie weer dortwischen, de aver en Broder Jakob harr). En annere Form is, dat de eerste Söhn den Naam vun’n Grootvader op’n Vader sien Sied kriggt, dat sik also twee Naams jümmer afwesselt. De König vun Däänmark to’n Bispeel hett vun 1513 bet 1972 jümmer Christian oder Frederik heten. Bi disse twete Form kriggt den faken ok de eerste Dochter den Naam vun de Grootmoder op de Moder ehr Sied. De twete Söhn den Naam vun’n Grootvader op de Moder ehr Sied un de twete Dochter den Naam vun de Grootmder op’n Vader sien Sied.

Wenn Kinner fröh doodbleven sünd, hebbt se de Naams faken noch wedder neet vergeven.

In dat 17. Johrhunnert hett kathoolsche Kark versöcht, gegen de Arvnaams antogahn. Se wullen lever Patennaams hebben. To’n Deel hebbt de Lüüd denn Paten utsöcht, de jüst den passlichen Naam harrn, dat de Naam to’n Arvnaam passt.