Alcalá De Henares
Alcalá de Henares is en Stadt in de Comunidad de Madrid in Spanien.
In de Römertied hett se Complutum heten. In de Stadt liggt de histoorsche Universität Alcalá. Dat is een vun de öllsten Universitäten in Europa. In dat Johr 1836 is se na Madrid hen leggt wurrn. 1977 is en nee Universität in de Stadt unner den Naam Universidad de Alcalá grünnt wurrn. Se sitt to'n Deel in de Hüser vun de histoorsche Universität. De Ooldstadt vun Alcalá un de histoorsche Universität sünd 1998 upnahmen wurrn in de List vun dat UNESCO-Weltkulturarv. De Naam vun de Stadt kummt ut de Araabsche Spraak (al-Kala heet „de Festung/de Borg“) un vun den Henares-Stroom, de dör de Stadt dör fleten deit. Hüdigendags (1. Nov. 2011) leevt dor bi 205.505 Inwahners. In de Stadt sitt de röömsch-kathoolsche Bischop vun dat Bisdom Alcalá de Henares. De Inwahners vun de Stadt nömmt sik sülms Complutenses oder Alcalaínos.
In Alcalá is wohrschienlich de spaansche Natschonaldichter Miguel de Cervantes boren wurrn, de den Don Quijote schreven hett. Over siene Dope gifft dat hier tominnst Unnerlagen. Ok de latere Kaiser vun dat Hillige Röömsche Riek, Ferdinand I. is hier boren.
Weblenken
- Websteed vun de Stadt (engelsch)
- http://www.portaldealcaladehenares.com
- http://www.uah.es Homepage vun de Universität vun Alcalá
- En List vun allens, wat een sik ankieken kann (spaansch)
Belege
This article uses material from the Wikipedia Plattdüütsch article Alcalá de Henares, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.