De Sülv -büttel (ok -böttel, -büddel etc.) in Naams vun Öörd kummt von dat Ooldsassische bodal för „Hoffsteed“.
De -büttel-Öörd doot al in Noordwestdüütschland liggen un sünd hier to’n Bispeel in Dithmaschen faken. Aver ok in Holsteen, langs de Ünnerwerser un in de Lümbörger Heid doot welk liggen. Aver vör allen in’n Popendiek bi Bruunswiek (ganz in’n Süden von dat Rebeed, in dat de Naam vörkummt) doot de -büttel-Öörd dicht an dicht liggen.
Dat Woord geiht trügg op en indogermaanschen Stamm *bhu (boon, ween), ut den sik in ooldsassische Tied en Word bodal (Hoffsteed) billt hett. Annere Formen to dat sülve Woord weren ooldsassisch -gibutli, -gibudli, -butli un middelnedderdüütsch -bütle, -bötle.
In de eerste Sülv sünd faken Personennaams to finnen, to’n Bispeel bi Adenbüttel (Adenebutle von Ado) un Röbüttel (Ricbaldesgebutile von Ricbald).
Mit’n Bödel as Gerichtsdener hebbt de noorddüütschen -büttel-Öörd nix to doon.
In Grootbritannien gifft dat en Reeg Öörd, de op -bottle ennen doot, un in Däänmark un Sleswig Öörd, de op -bøl oder -büll ennen doot. Dat is nich seker, wat disse Öörd mit de -büttel-Öörd in Noorddüütschland tohoophängt.
This article uses material from the Wikipedia Plattdüütsch article -büttel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.