n Stove is n holten kissien mit een teste mit vuur um de voeten te warmen.
Dit artikel is eskreaven in et sallandsk. |
Um de voeten warm te holden was vrogger de stove n veul veurkommend meubelstukkien. Zowel in huus as in de karke wördden de stove gebruukt, veural deur de vrouwluu.
De stove was van holt, meestal eken, bovenwarks zowat 40 bi’j 25 centimeter en ongeveer 30 cm. hoge. In de boo’mkaante waren gaten eboord in n bepoald petroon. De veurkaante van t kissien was lös mit n lattien an d onderkaante. In t kissien stund de teste, rond van ondern mit n vierkaante boo’mkaante mit n oor deran; vake van stiengoed en verglaasd, zoas n inmaakpotte. In de teste wördden gluunige koolties uut de kachel of t fernuus edoane. Deur de gaten kun de warmte der boven uut kommen en blee’m de voeten waarm. De karkestove hiernoast hef een stienen bovenplate, een deurtien, een droaghengsel en n verzinkte teste. In Duutslaand gebrukelik.
Vrogger waren der meansen die stoven veur gebruuk in de karkdienst verhuurden. Vake woonden die in de buurte van de karke. Zundaagsmörngs kwamen de karkgangers die in t butengebied woon’n hier bi’j mekare en neumen s winters n warme stove en n psalmboekien mit. Noa de karkdienst brachen ze de stove en t karkboekien weer en drunken dan n kop koffie. Veur n paar stuuvers hadden ze in de karke warme voeten en kunden noa de preke genieten van n lekkere warme kop koffie. In Grambargen was dit nog tut in de Tweede Wereldoorlog in gebruuk umdat deur braandstofgebrek de karke niet of nauweliks verwarmd kun wörden.
This article uses material from the Wikipedia Nedersaksisch article Stove, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.