Schrieversbond Overiessel

Onder de Schrieversbond Overiessel vaalt onder meer de Skrieverskring Noordwest-Overiessel (ok de Noord-West Overiesselse Skrieverskring enuumd).

Een oprichtingskemissie bestaonde uut Bert Wolbert uut Oldnzel, Klaas Würsten uut De Sluus, Harrie Veldman uut Dèventer en Karel Olthuis uut Boorn stelde twee punten vaste daor as de Bond veur zol staon: "1. Op te kommen veur de belangen van de schrievers dee zich creatief en serieus gangs wilt holden met het schrieven in de streektaal en 2 Het bie mekaar brengen van disse schrievers. Zee hebt dan de möggelikheid um noar mekaar te luusteren, teksten te besprekken, mekaar te inspireren en te kommen tot bettere streektaalliteratuur." Der kwamen ofdielings veur Twente, Sallaand en de Kop van Aoveriessel.

In 1996 verscheen de uutgave Schrieversbond Oaveriessel ter gelegenheid van de eerste vergadering van bij de bond anesleuten schrievers, in Nijverdal op 30 november 1996. Van 1999 töt begun 2005 gaf de Bond een glossy Nedersaksisch tiedschrift uut, Verdan. Van 2010 töt 2021 wördden vördeljaors 't digitale blad Van over de Iessel uutegeven. Een aander initiatief van de Bond was een literair café in 't Bussemakershoes in Boorn, mit proza, poëzie en meziek.

• Jannie Bakker-Rietman en Frank Löwik (2008), 'Streektaalliteraturen in Overijssel', in Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde, Assen: Van Gorcum
• F.G.H. Löwik (2003), De Twentse Beweging: strijd voor modersproake en eigenheid, Stad: Rieksuniversiteit Grunning

Dit stok is eschreven in 't Zuudwest-Drèents.