t Nynorsk (Niejnoors) en t Bokmål bin de twee Noorse standardtalen.
Van die twee is t Bokmål (boekentaal) de gebrukelikste taalvorm. Ongeveer 16% van de Noren leerden in 2003 Nynorsk op schoele. Beie standardtalen bin veurnamelik schrieftalen. Noorwegen hef gien standardtaal en der bin regionaal aordig wat verschillen.
t Nynorsk is ontwikkeld deur de Noor Ivar Aasen in de 19e eeuw as alternatief veur t stark op t schriftelike Deens liekende Bokmål. t Nynorsk wörden veural in westelik Noorwegen gebruukt en is evormp op baosis van veural westelike plattelaandsdialekten, en lik in veule aspekten op t Ieslaands.
Dat Ieslaands en Nynorsk meer op mekaar lieken as Ieslaands en Bokmål kömp deurdat t Ieslaands en zuudwestelike dialekten van t Noors n gemeenschappelikere oorsprong delen. Dit ku'j onder aandere zien an de dree geslachten die t Nynorsk onderscheit (namelik: mannelik, vrouwelik, en neutraal), liekas t Ieslaands en t Faeröers. t Zweeds en t Deens hebben der mer tweje. Bokmål hank n bietjen tussen de twee systemen in, waordeur der vaker twee vormen naost mekaar veurkoemen.
Bronnen / wellen: |
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |
This article uses material from the Wikipedia Nedersaksisch article Nynorsk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.