Lucie Rakers
Lucie Rakers, geboren Ribbink (Nordhorn, Duutslaand, 19 augustus 1905 - ok daor, 4 april 1993) was een schriefster in 't Graofschopper plat, de Nedersaksische taal van de Graofschop Benthem, en in 't Hoogduuts.
Ze schreef proza en poëzie in de jaorboeken van de Heimatverein der Grafschaft Bentheim.
Ze was etrouwd mit de conretor Johann Rakers en zodoende de schoonzusse van de taalkundige en veurvechter van 't Nedersaksisch Arnold Rakers. Mit die leste maakte ze heur stark veur de Vosbergenschriefwiese, een mandielige schriefwieze veur 't Nedersaksisch van Nederlaand en Duutslaand.
Lucie Rakers warkte mit an uutgaves van de Heimatverein zoas Aule Knetsååm vertäild deur Heinrich Hensen (1976). In 1984 kwaamp de Geschichte der Grafschaft Bentheim uut, een vrije aoverzetting van heur haand van Wessel Friedrich Visch zien Geschiedenis van het Graafschap Bentheim (1820).
In Bad Benthem hej de Lucie-Rakers-Straße.
Schrieverije
- Lebensbild einer deftigen Grafschafterin (gedichten in Graofschopper plat, Bad Benthem: Heimatverein der Grafschaft Bentheim, 1963)
- Sagen aus der Grafschaft Bentheim: dichterisch gestaltet (balladen, mit plaaties van Wilhelm Frantzen, Nordhorn: Heimatverein der Grafschaft Bentheim, 1969)
- Geschichte der Grafschaft Bentheim (Oldenbourg Verlag, Bad Benthem: Heimatverein der Grafschaft Bentheim, 1984)
Bronnen
- Peter Hansen: Die niederdeutsche Literatur
- Gerolf Küpers (2006), 'Zur Erinnerung an Lucie Rakers', in: Bentheimer Jahrbuch, pp. 335–6
- Erich Gövert (2019), 'Wilsum: Biografie Wessel Friedrich Visch' (pdf), Evangelisch Altreformierte Kirche, eraodpleegd op 18 september 2023
- Peter Hansen, 'Lucie Rakers - hochdeutsche Werke', eraodpleegd op 18 september 2023
- Peter Hansen, 'Lucie Rakers - niederdeutsche Werke', eraodpleegd op 18 september 2023
 | Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |
This article uses material from the Wikipedia Nedersaksisch article Lucie Rakers, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.