Læsø (Hlérs Eilaand) is t grötste eilaand in de Noordseaboaj bekaant a't Kattegat en leg 19 km van t Jutlaandhalfeilaand of.
t Eilaand hör biej Deanemarkn en is doar ok ne gemeante van. t Eilaand wör ok oft nöamd in de Noorske mythologie, woarvan t bekaantste as de verbliefploatse van de woaterjötunn Ægir en as de feastploatse veur de geude Æsir.
Gemaente Læsø | ||
(Vlagge van Læsø) | (Waopen van Læsø) | |
Lokatie van de gemeante Læsø | ||
Informasie | ||
Proveensie | Nordjylland | |
Heufdplaatse | Byrum | |
Geografie en bevolking | ||
Öppervlakte - Laand - Water | 118 km² 118 km² 0 km² | |
Inwonners Bevolkingsdichtheid | 1969 (2010) 16,7 inw./km² | |
Koordinaten | , 11° 0′ O | |
Aoverig | ||
Offisiële webstie laesoe.dk |
t Moderndeanske Læsø köm of van t Oldnorske Hlésey, det Hléreilaand betekkent. De Edda van Verhoalns book Skáldskaparmál zeg det Hlér nen oare noam is veur Ægir, nen jötunn (reus) den feastn veur de geude gaf öp t eilaand.
De gemeante is in de Noord-Jutlaandregio in t noordn van Deanemarkn. t Is de kleainste gemeante van Deanemarkn en besteet oe't heufdeilaand Læsø en n poar noabereilaandn, dee soamn n öppervlakte van 114 km² moakt, en hef in totoal 1969 inwönner öp 1 jannewoari 2010. n Burgemeaster is Juul Gaarn Larsen, n lid van de Venstrepartiej.
De heufdstad is t dörp Byrum, woar ok n gemeanteroad zit.
Læsøs eanige noabergemeante is Frederikshavn, woarvan t skiejdn is deur de Læsø Rende.
Læsø, teagn-steld töt oare gemeantn in Deanemarkn, is nich met ne oare gemeante soamn-veugd deur de 2007 Kommunalreformen.
Soamn met Anholt hör Læsø töt de "woosteniejrieme": tiejdns de zommermoandn wör t zoo dreuge det de bekn en streume söms zölfs dreugvalt.
In de Mirrejoarhönnerdn was t eilaand bekaant veur zinne zoltindustrie. t Groondwoater kän hier wal 15% zolt hoaldn, en dee weardn öp natuurlike wiejze biej mekoar bracht in de zoltweidn in de heate zommern. Veur de noven warn grötte heuveelheadn holt nödig, woardeur t eilaand oeteindlik gin bos mear had. Zaandstörme begroawn hölle dörpe, en oeteindlik is de zoltindustrie stopt. Seends t end van de joarn '80 beent zee wieder öp kleaine skoal an-vangn as n skiedkundig eksperiment en veur de bezeukers.
Öp t eilaand kömt nog völle de Europease zwärte biej veur. Disse soart is önner n Deansen wet beskermd en d'r majt ginne oare söarte noar t eilaand heen-bracht wordt. Dissen wet is allinig neujt in warkige bracht en noe-an-n-dag beent zoo wal zwärte as nörmoale biejn broekt veur hönig. Wál is t eilaand in twea stökker deild, ean veur elkn soart.
Boatdienstn verbeendt t eilaand met Frederikshavn vanoet Vesterø Havn, tarwiel Østerby Havn de vissershoawn van t eilaand is.
This article uses material from the Wikipedia Nedersaksisch article Læsø, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.