Pulaar: Språke
Et pulaar of fula is ne språke dee vöärnamelik döär de Fulbe in Westafrika wördt espröäken.
Et höyrt by de atlantiske kongospråken van de Niger-Kongospråken. Et is en språkkontinuum wårby spreakers van angrensende regios mekandere makkelik verståt, mår nen spreaker uut Sudan hevt moide üm nen spreaker uut Senegal to verstån.
De name Fula wördt vöäral in engelske literatuur gebruked in nåvölging van den gelearde D.W. Arnott ümdat de term Fula makkeliker uut to spreaken is dan de westelike språknåme Pulaar en de oustelike språknåme Fulfulde. Dee naamgrense ligt in Mali.
Et Fula wördt espröäken in twintig afrikaanske landen, van Senegal, Mauritanie, Gambia en Guinee töt in Kameroon en Sudan, wårskynlik bünt der ouk grupen spreakers in Etiopie. Et is dårmed de wydst verspreide afrikaanske språke van Afrika. De språke wördt souwal in et latynske skrivt as in et arabisk skrivt eskreaven.
10 töt 16 miljoon lüde hebbet et Fula as moderspråke en dårnevven bünt der ouk noch vöäle lüde dee et as tweyde språke hebbet.
This article uses material from the Wikipedia Nedersaksisch article Pulaar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.