Bukovina: Olde streake in Romänie un Ukraine

Et ligt up de noordelike hellingen van de centraal-oustelike Karpaten un de vlakdes wår dee up uutloupet.

Al vanaf de prehistory sint der spoors van bewoaning bekend, al is et gebeed altyd dünne bevolked ebleaven. Döär de eywen hen hebbet der heyl wat verskillende volker ewoand, med name de ukrainske ruteniers un de romänen (moldaviers). In den 10. eywe wör et deyl van et Kievan Rus-ryk, dee öäre kultuur döärdreyven in de streake. In de tyd van de Golden Horden in de 14. eywe wör Bukovina deyl van Moldavie under hungaarsk bestüür (et middeleywske Köäningryk Hungarye). Dat satteden de poorten lös vöär intrekkers vanuut et angrensende Maramureș, sou as de vlachen, transsylvaanske sassen un hungaren.

De transsylvaanske sassen warren neet med vöäle, mär hadden wal nen houp centen. Dårümme kreagen see et vöär et seggen in de städen van et Princedom Moldavie (byvöärbeald in Suceava of Câmpuling Moldovenesc, wåras de maagdeburgwetten göldden). Vöärin de vroge 13. eywe tröäken der ouk monniken van den Düütsken Order hen, dee as en fort bouwden up nen höävel by Siret.

Et gebeed, wat later to book küm to stån as Bukovina, was tüsken 1775 un 1918 ne streake under et Habsburgske Ryk, et Oustenrykske Keiserryk un Oustenryk-Hungarye.

In 1940 wör et noordelike deyl van Bukovina innöämen döär de sovjetten (ne skending van et Molotov-Ribbentropverdrag). Et gebeed wör tydelik terüggewünnen döär Romänie as bundgenout van Nazidüütskland, do as den lätsten in 1941 de Sovjetuny binnenvöl. In 1944 pakkeden et Roude Leager et weader. Al sou lange as Bukovina besteyt woanden der verskeidene volker döär mekander.

Vandage den dag is et noorden van Bukovina et ukrainske oblast Chernivtsi un et südelike deyl et romäänske gråvskop Suceava. Bukovina wördt wal es et Switserland van et Ousten enöömd üm de verskeidene volker, de dichte wolden un houge bargen.