Boekowina (Roemeens: Bucovina; Oekraïns: Буковина, Bukovyna; Russies: Буковина, Bukovyna; Duits: Buchenland; Pools: Bukowina) is 'n geskiedkundige streek wat tans ongeveer om die helfte in Roemenië en Oekraïne geleë is.
Boekowina beslaan 'n oppervlak van 10 442 km2 in die noordoostelike dele van die Karpatiese gebergte. Dit was tot die Eerste Wêreldoorlog 'n kroongebied van Oostenryk-Hongarye, waarna dit in sy geheel aan Roemenië toegeken is, maar die Sowjetunie het die gebied op 26 Junie 1940 binnegeval, waarna Roemenië verplig was om dit af te staan. Van 1941 tot 1944 het die land Boekowina met Duitse hulp probeer herower, wat met 'n grootskaalse Jodevervolging gepaard gegaan het. Die Joodse bevolking van die streek is in groot getalle na Transnistrië gedeporteer en daar om die lewe gebring.
This article uses material from the Wikipedia Afrikaans article Boekowina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.