'A tammuriata è nu ballo tradizziunale d' ' a Campania.
È na derivazione de la Tarantella, musica e ballo de lo Meridione d'Italia.
Nce stanno addeverse tipe de tammorriate e ogne zona se avvanta de la soja ma le cchiù importante songhe:
La tammurriata se sona cu tammorre, tamburielle, castagnette e siscarielle accumpagnate da na bbona voce, a secunna de lu tipo s'abballa tra uommene, femmene e ammiscate.
'O ballo piglia 'o nomme d' o ritmo ca vene marcato co' tammuro (ditto pure "tamorra"). 'A "tamorra" è nu granne tammuro a curnice pittata cu sunaglie 'e rammera, addò nce se ponno mettere pure ati finimiente comme a nastre, pitture 'e paricchie culure e campanielle.
Ati strumiente ponno accumpagna' 'o strumiento sulista, cioè 'a voce umana, d'ommo o 'e femmena , aggrazziata siconne tecniche e stile paticulare. Chisti strumiente songhe:
'A parola tammuriata nfi a poche anne ( 30 - 40 ) fa steva a signalà solo nu repertorio cantato-musecato, mentre ogge rappresenta na famiglia cchiù cumpleta 'e balle ncoppe 'o tammuro (chiammata da' 'e dirette esecutore pure sulamento "ballo").
Vene ballata 'inte a na vasta zona ca va da' bassa valle d' 'o Volturno nfi 'a costa amalfitana e all'agro-nucerino (cumpresa l'area domiziana, 'o Casertano, 'o Nolano, 'o Sarnese e l'area circumvesuviana.
Dinte a na classificazzione cchiù larga de' balle popolare taliane, 'a tammuriata va cumpresa dint' 'a famiglia d' 'a tarantella meridiunale, , d' ' a quale rappresenta nu particulare e origginale sottogruppo basato ncoppe 'o ritmo rigidamente , ncoppe 'a partecipazzione 'o ballo sulamente cu 'a coppia (mista e non), ncoppe a na 'ntensa 'e muvimento de' braccie, ncoppe a l'uso 'e castagnette (nacchere) ca, 'a fora a furnì 'o ritmo 'e base, obbliga a nu particulare muvimento 'e mane, braccie e busto.
This article uses material from the Wikipedia Nnapulitano article Tammurriata, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.