Reggia 'E Caserta

Ll'assieme monumentale, pruclamato patremmonio mundiale 'e ll'umanetà da ll'UNESCO, se cumpone: 'e nu palazzo tra 'e cchiù suntuose 'e ll'Europa, 'e parche e giardine, 'e vuosche naturale e palazzine 'e caccia comme pure 'e nu cumplesso 'ndustriale p"a pruduzzione d"a seta.

Bene prutetto 'e ll'UNESCO
Patrimmonio 'e ll'umanità
Palazzo Riale 'e Caserta cu 'o Parco, Acquedotto 'e Vanvitelli e cumplesso 'e San Leucio (EN) 18th-Century Royal Palace at Caserta with the Park, the Aqueduct of Vanvitelli, and the San Leucio Complex
Tipo	Architettoneco, paesaggisteco
Criterio	C (i) (ii) (iii) (iv)
Pricolo	Nun 'n pricolo
Ricanusciuto ddo	1997
Scheda UNESCO	(EN) Scheda (FR) Scheda

'A reggia 'e Caserta, pe' volume, è 'a residenza riale cchiù grossa d"o munno, tenenno cchiù 'e 2 meliune 'e metre cube 'e vulume, e n'astenziona 'e 47 mila metre quadre.

 

'A custruzzione d"o palazzo fuje abbiata da 'o rre 'e Napule Carlo, secunno 'e ccustume d"e suvrane 'e ll'epuca, pe' fa mostra 'e recchezza e putenza. Nguadiaje azzò 'o cchiù nommalto archetetto d"o periodo, Luigi Vanvitelli, c"o quateno 'e revaleggià c"a Reggia 'e Versailles e c"o Palazzo Riale 'e Madrid. 'A reggia arrentrava 'int'a nu piano puliteco 'e ammudernamiento e reforme d'ô "o Stato abbiato da 'o rre Carlo; isso vuleva allucà tutt'ê pprencepale strutture ammenistrative d"o regno a Caserta e pe' llo fa s'era misso 'ncapo 'e custruì nu viale luongo vinte chilometre ca cullegasse chesta cità a Napule. 'O piano mperò nun fuje maje rializzato.

'A custruzzione, cumenciata 'ncap'ô 1752 sutt'ô regno 'e Carlo, fuje scumpetata 'int'ô 1780, sutto 'o regno d"o figlio suojo, Ferdinando, p"e dderettive 'e Carlo Vanvitelli figlio 'e Luigi, pettramente deceduto.

 

Ll'adeficio, 'e stile neoclasseco, cumprenne n'enorme struttura liniare ca 'ngloba quatto curtile 'nterne edentece. Ll'empianto architettoneco è regulare, cu longhe affacciate 'ncurneciate 'e cuorpe pella pella spurgiente, e cu na destribbuzzione regurosa d"e spazzie 'nterne, secunno ll'eseggenze 'e funziunaletà e 'e rappresentazzione precise.

'O purtale centrale, ca s'arape 'ncap'a ll'affacciata 'n travertino e tierra cotta 'ncopp'a nu palimento 'e bugnato, puorta a na galleria a tre navate, aunite pe' mezzo 'e devierze curreture. Da chello prencepale parte 'a scala munumentale ca saglie 'nfino a la capella palatina e a ll'appartamiente riale, decurate nfra 'a fine d"o XVII seculo e 'a primma metà d"o XVIII.

'O parco, custruito secunno 'o mudello d"o ciardino a ll'italiana, se spanne su 120 ettare arret'ô palazzo, 'ncopp'a nu terretuorio 'n parte cullenare. Derimpetto a 'o centro 'e ll'affacciata pusteriore s'arape nu luongo viale cu funtane, pescine e cascate arteficiale 'n fila. 'O viale prencipale se 'ncuntra cu âti viale cchiù piccerille ca se iettano 'int'a na denza veggetazzione ca puo' fa spazio a ate funtane decurate cu' statule mituloggeche, na piscine 'e pisce e nu laco 'e cigne.

Pe' purtà l'acqua â Reggia, Vanvitelli facette custruire n'acquedutto specifeco ca ntraversa 'a campagna pe' numeruse chilometre.

• Palazzo Riale 'e Napule
• Museo 'e Capemonte
• Reggia 'e Puortece
• Luigi Vanvitelli
• Carlo III 'e Spagna
• UNESCO
• Regno 'e Napule
• Regno d''e Ddoje Sicilie

• Reggia 'e Caserta 'O sito d"a Reggia 'e Caserta]

•   Purtale Storia
•   Purtale Campania