40°38'0N, 14°24'40EMustra 'int' 'a mappa
Piano 'e Surriento | |
Nomme ufficiale: | Piano di Sorrento |
---|---|
Stato: | Italia |
Reggione: | Campania |
Pruvincia: | 'e Napule |
Estenzione: | 7 km² |
Pupulazzione: | 12.833 |
Denzità: | 1830 ab./km² |
'E riune: | Cassano, Mortora, Trinità, Colli San Pietro |
Commune vicini: | Meta, Sant'Agnello, Vico Equense |
Coordinate giugrafiche: | |
Sinnaco: | {{{sinnaco}}} |
Codice pustale: | 80063 |
Prefisso pe ttelefunà: | 081 |
Santo prutettore: | San Michele Arcangelo |
Festa d'o patrono: | 29 'e settembre |
Sito: | [1] |
Piano 'e Surriento è nu comune 'e 12.833 crestiane d''a pruvincia 'e Napule.
Piano 'e Surriento, duminata d"e 643 metre do Monte Vico Alvano, ammesura 'a parte centrale d"a penisula surrentina, cunfinanno cu 'e cumune 'e Meta, Vico Equense e Sant'Agnello; a Nord 'a costa, fatta 'a aute falesie 'e tufo uarda 'o gurfo 'e Napule, mentre a ssud 'a costa è rocciosa e se apre 'ncopp'ô gurfo 'e Salierno.
'O clima è mediterraneo, cu mite 'nverne d"e chiogge maje troppe e staggione cavera ca possono addiventà pure afose pe 'o auto tasso 'e ummidetà. 'A presienza 'e clima soleggiato pe 250 juorne ll'anno renne sta terra meta 'e turiste nun sulo 'int"a staggione, ma pure 'a primmavera e autunno.
Tene na stazzione metereologgeca.
'O piano, Planities rommana, vene d"e suoje cittadine pe 'o cchiù innicato cu 'e ddoje toponime 'e Carotto e Cassano: 'nsegure etimologie ca siconno 'e cchiù veneno d"e effiette 'e nu terremoto ca forze ha rotto na zzona e na zzona sana. E Cassano, è 'o nomme d"a Marina: piccirillo borgo 'e pescature,abbascio, 'o fonno 'e ripide turnante 'ncopp'ô margene 'e ll'auta falsia 'e tufo surrentino, ruvido gioiello pe raffinate estimature.
Piano 'e Surriento tene assaje monumiente, e cchiù 'mpurtante songo:
l'Economia 'e Piano anfi ô XIX seculo campava 'ncopp'â pesca, 'ncopp'â agricultura e 'a cantieresteca navale. 'Nfatte 'e primme ddoje attività fujeno 'e ostaculo 'a ll'agronata innipennenza 'a Surriento, ca 'ncopp'ê attività 'e Piano campava. É dint"o XX seculo ca a Piano se verifica 'a profonna mutazzione socio-economica ca porterà 'a nu ruolo sempe cchiù 'mpurtante d"o cummercio e d"o turismo. Int"o curso d"o noveciento a Piano arriverà 'a currente elettrica, l'acqua 'int"e case, 'o cullegamiento cu Castellammare, primma cu 'o tram, e cu 'o treno.
Ô 1734, cu 'e Burbone 'e Napule, fuje costruito nu gruosso cantiere navale vicino 'a marina 'e Cassano. E' a cunferma 'e na secolare attività marinara, fujerono fatte quacche scola nautica, ma a Piano 'e fatte 'a scola nauteca ncera 'a tiempo. Cu 'e Burbone se promosse (in tutto 'o ssud dicimmo) nu sviluppo innustriale e d"a cantieristica. Chella 'e piano e Meta fuje 'a primma marina mercantile 'e tutto 'o Regno 'e Napule. Ô XIX seculo ll'attività marinara se sviluppatte in modo esponenzziale e assaje fujerono 'e armatore ca se succedettero in chill'anne:Ciampa, Cacace, Starace, Di Martino, Maresca e Lauro.
Pure 'a vocazzione cummerciale d"o Piano ha 'e soje origgine int"a nu luntano passato, pure se è 'ncora 'nt"o XIX seculo ca essa prenne vigore e campa. 'A 'ncrementà 'e traffice cummerciale contribbuiettero evente: 'o sviluppo d"e cumunicazzioni (ô 1840 terminattero 'e fateche d"a via surrentina ca cullegava tutt'a custiera e aropp'a chesto, 'a linea tramviaria e ferruviaria ntra Surriento e Castellamare), 'a nasceta 'e ll'innustria e mercate.
In machena Piano se raggiunge 'a Napule seguenno 'a A3 Napule-Salierno, casiello 'e Castellammare 'e Stabbia, SS 145 "Surrentina" verzo Surriento.
In treno se arriva in cità cu 'a ferruvia Circumvesuviana- linea Torre Annunziata - Surriento, stazzione 'e Piano 'e Surriento.
'O sinnaco d"o cumune 'e Piano 'e Surriento è Giuvanne Ruggiero d"o 30 'e maggie d"o 2006. pruvincia 'e Napule.
This article uses material from the Wikipedia Nnapulitano article Piano 'e Surriento, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.